السلام عليكم و رحمة الله و بركاته
اليوم وجدت واحد الديسير ساهل ماهل و لذيذ
نخليكم مع المقادير
بالنسبة لدانيت
1/2 لتر حليب + بيضة + 2 معالق سكر + معلقة نشا + 2 معالق فاني+ 2معالق فاني سائلة>>> هي الي كتعطينا اللون
بالنسبة للكراميل
100 غرام سكر+ 5 معالق كبار ماء + 5 قطرات ديال الحامض
غادي نبداو بالكراميل ديالنا و طريقة ساهلة
خلطي جميع المقادير و ديريه فوق نار مهيلة حتى يولي كراميل
نخليكم مع الصور
و نديروا مقدار 2 معالق في كل زلافة
دابا ندوزو لدانيت
غادي نديرو لفاني بجوج مع الحليب و نخليوه يدفا
و نضربوا المايزينا السكر و البيض بوحدهم
من بعد نزيدوا عليهم خليط الحليب و نحرك بزربة باش البيض ما يطيبش لنا و نرجعوه في الكاسرونة ديالنا على نار مهيلة و نبقاو نحركواااا حتى يعقاد
ندخلوهم الثلاجة حتى يبردووا و نقدموهم
نتمنى تنال اعجابكم يا ربي
ودعيو معايا بشي ذرية صالحة و لجميع المؤمنات و المؤمنين
]hkdj fhgthkd dhlllddd
الله يرزقك الذرية الصالحة….
تبارك الله عليك اختي.
واش ممكن نستغناو على لفاني السائل أو نعوضوه بشي حاجة ثانية؟
تبارك الله عليك يسلمو اختي