oum hedayah
2-3-2019
اليوم ان شاء الله غادي نحط ليكم وصفة لديدة وتليق للدسير،وغادي كل مرة نحط ليكم وصفة جديدة.
نتمنى يعجبوكم وتجربوه،نبداو على بركة الله
مقادير باناكوطا:
20cl /1 كريم فريش
10cl حليب
1 لفاني
50g سكر
1 ورقة جيلاتين حلال
2/ 10cl كريم فريش
1 م ك نوتيلا
2 مارس
1/2 ورقة جيلاتين حلال
ميني كاب كيك بالشكلاط:
1 بيضة
3 م ك سكر
2 م ك دقيق
1 م ك مايزينا
1 م ص كاكاو
1/4 م ص خمارة الحلوى
كنوضعو الجيلاتين ترطاب في الماء البارد
كنخلطو المقادير كلها ونديروها فوق العافية حتى تسخن مزيان
نزولوها من العافية ونضيفولها الجيلاتين بعدما نكونو قطرناها مزيان من الماء
ونصبوهم في كويسات ونخليوهم يبردو مزيان
نفس الطريقة بالنسبة للطبقة الثانية،كنوضعوهم فوق العافية يسخنو مزيان ونضيفولهم الجيلاتين بعدما نكونو قطرناها مزيان من الماء
ونكبوهم فوق الطبقة الاولى وندخلوهم الثلاجة حتى وقت التقديم
ندوزو نحضرو ميني كاب كيك بالشكلاط:كنخفقو البيضة مع السكر حتى يبيض اللون ديالهم
من بعد نضيفو الدقيق،مايزينا،كاكاو خمارة الحلوى ونخلطو الكل مرة تانية ونصبوهم في كويغطات وندخلوهم فرن 180د مدة 7د
عند التقديم كنزينو الكاب كيك بالكريم شانتتي وندردرو الكاكاو
fhkh;,’h pana cotta fghthkd ,lhvs+ldkd ;hf ;d; fhga;gh’ ,fhgw,v ]hzlh ,lk l’fod l]kd ,lhvs
مممممم وصفاتك رائعة مشرفتي
بالنسبة لمارس وش الصغير الميني ولا لكبير؟
وش تتجمد الطبقة الاولى تماما عاد تديري الطبقة الثانية، يعني شحال تلوقت تقريبا؟
سمحيلي صدعتك بالاسئلة