الرفيسة تصلاح للضياف

طريقة ط§ظ„ط±ظپظٹط³ط© بالتفصيل
هاذ ط§ظ„ط±ظپظٹط³ط© كتجي انيقة وتصلاح للضياف
دجاجة +الملح+سكنجبير+خرقوم عود+إبزار+خرقوم إصطناعي+ ثوم
القزبر والمعدنوس نشرملو الدجاجة ونخليوها ليلة كاملة تشرب العطرية من بعد نديروها فالكوكوت ونسدو عليها مزيان بلا زيت بلا ماء ونديرو الصفارة ونخليوها طيب على نار مهيلة بزاف بزاف بحال لي كنطيبو عليها الكيكة لمدة 45 دقيقة حتى لساعة.
**طريقة المرق**
للمرق نحتاجو 4 البصلات كبار مقطعين هلال رقاق نديروهم فطنجرة مع شوية الزيت ونخليوهم يطيبو ومرة مرة نحركو حتى يذبالو نزيدو ليهم
زيت زيتون +معلقة سمن كبيرة +زلافة عدس مرقد فالماء +
الماء 2 لتر حتى 3 على حساب كمية المسمن لي غادي نسقي
حيت تقرب طيب نزيدو شوية المساخن
الحلبة نطيبوها بوحدها فالماء ومعاها كركوبات ثوم وحيت تقرب طيب نزيدو ليها شوية المرق .
بيض السمان نسلقوه والتمر نهمروه باللوز والكركاع ..وشوية اللوز نخليوه نزوقو بيه.
الدجاجة من بعد ما طيب ندهنوها بالزبدة والهريسة وندخلوها للفرن تتحمر.
**طريقة المسمن**
نصف كيلو دقيق رطب
نصف كيلو طحين قمح حرش او سبيسيال
شوية الملح شوية نجمعو العجين ونخليوها ترتاح على الاقل ساعة من بعد ناخدو نصوبو كرات صغار
ونحطوهم فبلاطو ونغطيوهم وحيت نكملو العجين نبداو نسرحو الكرات وحنى ندهنو بشوية الزيت ونديروهم يطيبو فالملاة الثقيلة
وحيت طيب الاولى نقلبوها ونحطو فوقها الثانية وهاكا حتى نوصلو لشي عشرة او اكثر عاد نزولوهم
ونبداو العملية من جديد حتى نكملوا ونقطعو المسمن بالطريقة لي تعجبنا .
نحطو المسمن وفوق منو الدجاجة ونسقيو بالمرق ونزوقو ببيض السمان والثمر معمر بالكركاع واللوز محمر نرشو بيه ط§ظ„ط±ظپظٹط³ط© الحلبة نحطوها بوحدها والثومة حتى هي لي بغاها يهز منها ونحطو المرق لي خاصو يزيد .