السلام عليكم ورحمت الله تعالى وبركاته والصلاة والسلام على رسول الله
اليوم ان شاء الله عندي ليكم وصفة عزيزة على المغاربة ومشي بزاف تاع الحادكات كيصدق ليهم الدجاج لمحمر
فهد الموضوع ان شاء الله غدا نحط ليكم وصفة معا اسرار وتقنيات بسيطة ولكن كتلعب دور مهم باش يجي الدجاج بنيييييييييين
وصفة متوارتة
هههههه الله يخلي ليا ميمتي ياربي ويطول ليا في عمرها
اول مرحلة وهيا مهمة جدااااا
هيا ملي نجيبو دجاجة نغسلها مزيان مزيان وكنرقدها فنص كاس عصير الحامض وجوج معالق الملح ومعلق تاع الدقيق
غدي يقولو البنات علاش دقيق لحتاش هوا اللي كيخلي لينا ط¯ط¬ط§ط¬ مفيهش هداك السائل اللزج بين الفخاد اللي كيكون مبين الجلد واللحم مهمة هد المرحلة مهمة جدا
دجاج انا كنت دايرا غير لداري وقلت نصورو ليكم ولكن هدي هيا طريقتي بالنسب للضياف
عندنا الزيتون اخضر.جوج بصلات لهد الكمية تاع الدجاج ممكن تضاعفي الكمية كمية البصلة
حامضة مصير
العطرية .التحميرة.المروزية.الملح مدرتوش نهائيا
الفلفل الابيض والسود والسكين جبير الملون والخرقوم السمن …..لمهم اللي فالصورة ههههه معقلتش هههههه
نعطر الدجاجة بوحديتها مزيان بالعطرية والتومة بطبيعة الحال تلاتة الفصوص محكوكين وحتى هما كنحك بيهم الدجاجة من لفوق ومبين الجلدة واللحم و ونعقد رجيلات وندقدق شوية تاع القزبر مزيان انا مكنكترتش الربيع كندير معلق مكنبغيهش يجيني باين بعد المرات كندير ربطة كطلق ليا البنة وكنحيدها
ومرحلة مهمة كنتك الصدر تاع الدجاج باش تدخل العطرية من بعد والمرحلة اللي كتخلي ليا الدجاج يجي بنييييييييييين
هيا كنطيب الدجاج بالماء صافي من غير زيت يعني الزيت كنضيفو في الاخير
كندير شوية تاع الماء فالطنجرة
نحط الدجاجة ديالنا
كنحط الدجاجة على ضهر غير واحد عشر دقائق ونقلبها على صدر هوا اللي كياخد وقت باش يطيب من بعد كنمرق عادي ووالمرحلة المهمة جدا هوا ملي نغطيو منسدوش الطنجرة نخليها مبسما علاش
باش الجلدة متنفخش وبالتالي متزولش لينا الجلدة عند الطياب كنضن مفهومة الفكرة مهمة جدا
من بعد كنشلد جوج بصيلا مزيااان مزيااان تقون مدقدقا مزيان مشي محكوكا ومشي مشنفا وكنضيفها فالتالي يعني حتا يشد الدجاج راسر عاد كنضيفها
من بعد كنمرق المرق الكافي وكنخلي الكل كيطيب ومرا مرا كنحرك الدجاجة على صدرها غير نململها باش متلصقش والجلدا تحرق اولا تلصق لينا فقاع الطنجرة
من بعد كنوجد
كنوجد الزبدة ومعلق تاع الحامض ومعلق صغيورة تاع المروزية
وكنخلط الكل حتى الزبدة تندامج معا الكل مزيان
من بعد كجيو لدجاجة كنقلبوها غير بشوية كنخليوها واحد ربع ساعة من بعد
شوفو بعدا هديك البصلة دابت
من بعد كنجيب سكين وكنتك بيه الصدر وكنتسنا شوية الى خرج ليا الماء يعني مزال مطاب ط¯ط¬ط§ط¬ والى مخرج والو بقات الحفيرة ناشفا يعني انه طاب كنرفع الدجاجة فوق ال الصينية
وكندهنها بالخليط اللي خضرنا بالزبدة
كندخلها للفران تحمر كندوزو للمرق
كيف مكاتشوفو هالمرق بلا زيت بلا والو
بالنسب لماليات الرجيم هدي احسن وصفة ياكلوه هكا
لمهم زدت واحد تلاتة المعالق غير باش تعقاد ليا لاصوص وزدت الزيتون
وزدت القليل من الماء باش تشحر مزيان
كنجبد دجاجة كندهن ليها الضهر بالخليط وندخلها تحمر ونقلي البطاطا وهالطبق واجد بالصحا والراحة
شوفو المرقا عما قريب كتجي معقد وخاترة والاهم البنة كتجي لديييدة
][h[ hglplv lk d] hlm hgpr luh sv g]ji lvpfh fhghkdrhj ldji hglolv
ويبقى من الاطباق المفضلة لدى المغاربة
ثم ثثبيث الموضوع
