تبث في : 24/06/2019 من طرف : Romaysati السلام اخواتي، اليوم غنقدم لكم Gratin كيجي بنين وغزال وفي نفس الوقت سريع تبعوا معايا المراحل بالصور قشري البطاطا وقطعيها دوائر وديرها تسلق مع ورقة سيدنا موسى ونصف ضامة د البنا دجاج 
قطعي بصلة على شكل طولي وديري تشحر مع شوية د زيت بلدية 
كنضيفو 2 إسكالوب د بيبي مقطعين على شكل طولي 
كنضيفو العطرية – ملح، ابزار، تحميرة، كمون – 
كنشحرو الكل مزيان حتى يطيب 
كنضيفو الربيع ونصف ضامة د البنا دجاج اللي استعملنا في البطاطا 
في الأخير، كنضيفو قطرات من صلصة الصوجا 
كنحضرو صلصة البشامل ونضيفوا لها الملح الابزار وجوزة الطيب 
في طبق كيدخل للفرن، كنديرو 3 معالق د البشامل 
كنديرو نصف الكمية د البطاطا وندرو البيبي مع البصلة و-2 معالق د البشامل 
كنغطيو الطبق بالكمية المتبقية من البطاطا 
كنديرو صلصة البشامل من الفوق ونزينو بالفرماج المحكوك w ندخلها للفرن حتى يتحمر مزيان 
هاهو الطبق وجد وكيشهي وللإشارة ف صلصة بيبي من ابتكاري 🙂 
هاد الطبسيل من نصيب الأولى اللي غادي تعلق 
بالصحة والراحة
Gratin fhgf’h’h ,gh ]hk] !!! g`d` ,svdu >> gratin [hkd
الله يعطيك صحة بين لديد
الله يعطيك الصحة راكي مبتكرة معا راسك حتى انا كيعجبني بزاف اكراتان ديال بطاطا
لذذيييييييييذة تبارك الله عليك
شكلها رائع وطبعا حتى المذاق غادي يكون أروع الله يعطيك الصحة والله يحفظ لك يدياتك
الله يغطيك الصحة كيشهي
لذذيييييييييذة تبارك الله عليك
تبارك الله عليك وعلى وصفاتك الرائعة الله يعطيك الصحة
تبارك الله عليك ربي احفضك