طريقة الكبسة،و طريقة للارز

اليوم،قلت نصاوب هاد الشهيوة للعشاء،باللي موجود عندي في الدار،وانت كيبقا ليك ديما الاختيار
جبت الدجاج غسلتو،و درت عليه بصل مفروم،القزبور و المعدنوس،الملح الابزار،سكينجبير.وريقات سيدنا موسي،الزعفران من الافضل يكون الحر،ابزار،راس الحانوت،و سمن،و قليل من زيت الزيتون
كلشي يتشحر و من بعد ندير المرق.،و نضيف قطع الجزر و الجلبانة كيف كتشوفو(الخضر كتبقا اختياريه،ممكن تكتفي فقط بالدجاج،لكن يكون كثير ههههه)،و نسد عليهم نخلي كلشي يطيب،ونمشي نوجد الارز،بغيتكم تركزو معايا:)

سامحوني نسيت مصورت الجزر و الجلبانة:)
دبا غادي نوجد الارز.و هادي خودوها طريقه ديال ديما تشرفك امام عاءلتك وضيوفك،معمركم الروز يخرج خايب او ملصق،وخا يكون ماشي زين،بحال هدا للي درت هي روز عادي،لكن جا زوين،انتم من الافضل تديرو بسمتي او مندي
ناخد الروز و نغسلوه شي خمس مرات،من بعد نوجد الماء غليان.و نصبو عليه و نخليه مرقد فيه واحد عشرين دقيقة الي نص ساعة كافيه.و باشما خليتيه باشما احسن للرز
(وممكن تستخدميه في اي شيء،مثلا للپايلا،او تصلقيه مع ضامه ديال البنه،او ،،،،مهم كلشي بنفس الطريقة)
مقدار كاس شاي و نصف للي درت و رقدتو

و من بعد مايطيب الدجاج عندنا و الخضر.
غادي نديرو بحسابنا مرق الضعف و نصف من قياس الرز
يعني،انا درت كاس و نصف ديال الرز،خاص يكون عندي ثلاث كيسان و نصف من المرق
و ندير الارز في الطنجرة ،و نخليه كيف يبدا يبقبق او يغلي،نسد طنجرة الضغط و ندير النار مهيلة جدا،و نحسب ربع الي ثلث ساعه و نحل عليه ،غادي نلقاوة طاب و مبقاش فيه الماء،يعني العمليه حسابية و معنديكش منش تخافي
هنيا بدا يغلي،غادي نسد عليه و نخليه علي نار مهيله المده للي قلنا عليها
و هادا شكلو مني نطفي عليه

بصحتكم و راحتكم،كيف قلت حبيت نوصل ليكم الطريقة فقط،لكن انتم لكم كل الاختيار

‘vdrm hg;fsmK, gghv.(fhg][h[) gghv.fhg][h[