طويجين بالدجاح والجلبانة وصينية البطاكا بالشفلوروالجنجلان

ثم تثبيت الموضوع حسناء الرودانية 06/11/2019 [frame="10 98"] الطويجين لي عزيز عليا بالمراحل ههه كنقليو البصلة مقطعة دوائر فشوية الزيت و نرميو الدجاج طريفات و مطيشة محكوكة وقسبر ومعدنوس مقطع والتومة محكوكة والملح ابزار وسكنجبير شوية تحميرة زعفران يتقلاو مزيان نضيفو الجلبانة والخيزو والبطاطا مقطعين ونمرقو ونسدو الكوكوت ومريقة كتجي هي بجليبنة والدجاج اوا غ لي ما بغاتش نعلم تنصب المرقة هههه اوا والطبق التاني لمحبات البطاطس بصلة كبيرة بطاطس مسلوقة شفلور مسلوق ملح كمون تحميرة زعفران ملون 5 فرماجات 2 معالق كبار جنجلان ناخدو بصلة كبيرة مقطعة نشحروها فشوية الز يت نضيفو ليها شجيرات الشفلور مصلوق و بطاطا مصلوقة وممعوكة والملح و الكامون والتحميرة وزعفران ملون بطبيعة الحال الخضر مسلوقة بالماء والملح عنداكو تكترو الملح المرة التانية و نحركو 5 دقائق بما يتخلط كلشي و ناخدو طاوة الفرن نديرو شوية الزبدة ونصبو الخليط ونرشو الفرماج محكوك او متلتات مقطع مربعات و نرشو بالجنجلان و ندخلوه الفران منقولكمش شحال كتجي لديدة هاد الوصفة وبصحة والراحة [/frame]