الخضرة معمرة بالكفتة و الروز

السلام عليكن أخواتي اليوم بغيت نشاركوم هاذ الوصفة ساهلة و لذيذة و خصوصا كتجعلنا ناكلو الخضر اللي هي صحية:

باسم الله على بركة الله

سلقت الروز:

قشرت الخضار: مطيشة، بصلة، 2 خيزويات، 2 كرعات خوضر، 3 بطاطات، فلفلة مقسومة على العرض و مزولة الزريعة (العدد حسب الأشخاص) هاذي وصفة ل 3 أو 4 أشخاص.
و خويتهوم من الوسط (سواء بالسكين أو آلة معروفة كتخوي الخضر)

البصلة على هاذ الشكل

الدخلاني ديال بطاطا و الكرعة خضرة و البصلة مكنرميوهش كنحكوه في حكاكة رقيقة

و نضيفو عليه الكفتة ( اللي منسمة بالملحة و البزار و الكمون و التحميرة) و ط§ظ„ط±ظˆط² و شوية معدنوس و شوية زيت بلدية

كنعمرو الخضر بهاذ الخليط
و كنحكو 3 ماطيشات:

و نضيفو عليهوم زعفران، ملحة، بزار، 2 فصوص ثوم محكوك رقيق شوية زيت بلدية و الباقي ديال الروز

كنوضعو كلشي يطيب مع شوية الماء وورقة سيدنا موسى أو الزعتر (اختياري) مع المراقبة حيتاش ط§ظ„ط±ظˆط² كيشرب الماء و كينشف بسرعة

أنا هنا طيبت في الكوكوط و درتهوم في الطاجين من بعد ما طابو:

و ضفت ط§ظ„ط±ظˆط² اللي تخلط مع ماطيشة

و الباقي منو درتو في زلافة اللي بغا يزيد