السلام عليكم اخواتي الانيقات اش خباركم ان شاء الله تكنو دايما بصحة وسلامة
كنت قلتلكم غدي نحط ليكم وحد الوصفة تصلح العشا وسمحوليا الى تعطلت عليكم
نبداو على بركة الله الوصفة ديال اليوم انا كنسمها ط§ظ„ط¨ط³ط·ظٹظ„ط© الكدابة
هههههههه
المقادير جيبي كيلوبطاطا وسلقيه فالماء والملح مني تسلق صفها وطحنها فالطحانة ديال مطيشة و خلطيها مزيان انا كنحكها فالحكاكة معندش الطحانة
منبعد خلها جانبا والى عندك اي حاجة شاطت ليك الدجاج او حوت او كفته بمطيشة والى معندك والو جبي جوج حكاك طون وهني راسك ههههههه
وحد بكية صغيرة شعرية صينية
صلقي الشعرية الصينية 2 دقايق فالماء والملح قطعها والى كان دجاج نقيه من العظام والى كان حوت نفس الشئ والى كانت كفته عادي والى كان طون صفيه من الزيت زيدي شوية تع العطرية فالخليط وخلطي الكل مزيان جيبي الطاوة الي غدي دخل الفران دهنها بالزبدة وخدي نص ديال البطاطا سرحيها مزيان بحال الى غدي تعمري ط§ظ„ط¨ط³ط·ظٹظ„ط© خوي فيها الخليط قديه مزيان من بعد سرحي فوق منها الباقي من البطاطا مني تحسي بها كتلصق ليك فيديك دهني يديك بالماء وقدي مزيان حتى تغطي كلشي دهنها بشوية تع الزبدة من الفوق ودخلها الفران على درجة متوسطة ومني تبان ليك بدات كتحمار من الفوق نزليها تحمر شوية وزينها بالكتشوب او قزبور مقطع او فرماج انتي لك الاختيار وبالصحة والراحة
نتمنى هاد الوصفة تعجبكم وتجربها وردو عليا الخبار دعواتكم ليا
hgfs’dgm hg;]hfm
جزاك الله خيرا
وسلمت يداك
جربت لبارح وصفتك والله والله هائلة ورائعة وبنينة
الله يعطيك الصحة
نتمنى يجربوها الأخوات
الله يبارك فيكم كلكم
وشكرا بزاف بزاف على
تشجيعكم ليا