السلام عليكم ورحمة الله تعالى وبركاته ملي كيقرب العيد اكيد كلنا كنوجدو ليه من عطرية/ او كل منحتاجولعيد انا اليوم غنعطيكم عطرية ط®ط§طµط© بالكورداس او القديد المقادير شوية الهيل/قاع قلة/شوية بسيبسة/بصلة يابسة/ عصى موسى/لحية الشيخ/قزبور يابس/شوية حبق/ سكنجبير/كامون/السودانية اخياري الطريقة فالفرن نحمرو عصى موسى لحية الشيخ بصلة يابسة ثم نطحن الجميع من بعد نخلط مع الخل البلدي او ندهن به الكورداس ديالنا او االقديد. /من بعد نعطيكم مقادير الخل البلدي هاد الخل البلدي الى جربتوه والله متقدروش تستغناو عليه كنديروه فعشريام قبل العيد كيجي روعة
اي سؤال انا رهن الاشارة والسلام عليكم و رحمة الله تعالى وبركاته والله المعين
sv lk hsvhvd>>>>>>>>>>>>>>>>>>>>>>>>>>>>>u’vdm ohwm fhgr]d] h, hg;v]hs>>>>>>>>>>>>>>> hg;v]hs hsvhvdu’vdm
تبارك الله، والله يعطيك الصحة، موضوع جا فوقتوتماما كانستسناو مقادير الخل البلدي، باش يالله كي نوجدوه قبل العيد، وياريت تقولي لنا فاش ممكن نستعملوه من غير القديد، ههههههه… كثرت علك بالطلبات ياك؟ شكرا مقدما
الخل البلدي كيتكون من ورقة سيدنا موسى/الصرغينة/لحية الشيخ/الريحان/زعفران حر/خو دنجال/كوزة/العنبر/القرنفل/الملحة الحية الحجرة شوية الحنا 4 لوراق/شوية ورد يابس وراق/ الزعتر اختياري نغسل الكل ثم نوضعوه فاقرعة كبيرة محكمة الاغلاق ثم نضفو ماء غليان حتى يتغطاو العشوب او نغلقوها مزيان او نوضعوه فالشمس مدة عشرة ايام كنستعملوه للقديد الكرداس نهار الثالت عيد كنقطعو لحيمات صغار او كيطيبو مع الخل بوحدو. اي سؤال اختي انا رهن الاشارة اوعواشرك مبروكة
شكرا اختي لهلا يخطيك، انا ماما كانت كاتصيبو ليها واحد الصحراوية غزال، الله يرحمها توفات، غدي نجربو ونرد عليك الخبار، بالنسبة القياس ديال المقادير عينا ميزانا ياك؟ وعواشرك مبروكة حتى نتي
السلام اختي الانيقة الصرغينة خاصها تكون كتيرة حيت هي السر/5ورقات سيدنا موسى/لحية الشيخ تقريبا 3 شجيرات قبل ما توضعهوم فالقرعة حرقهوم شوية فالنار او مباشرةفالقرعة /الريحان 1 حفنة/1 كوزة/العنبر غير شوية/القرنفل 3حبات او الزعفران 2غرام حتى هو كيعطي بنة خطيرة اختي الماء تقريبا 5او4لترو هاد الخل اختي ما عرفتش واحد البنة فريدة من نوعها كيخلي اللحم رططب حنا الخل هو العيدهههههههههههه او طبعا الخروف باش اجي معاه الخل اي سؤ ال اختي انا رهن الاشارة نسيت ما قلت ليك انا الخل كنصوبو على طول العام كنرقد فيه اللحم عاد كنديرو فالكونجلتور. شكرا على الاهتمام.
بارك الله وفيك اختي، ماعندي مانقول، صـــافي تقادو الاسئلة ههههههه كلشي واضح فالوصفة، خاص دابا التطبيق. شكرا بزآاف، دابة الى العطـــــار سر!! ههههههه
بارك الله فيك اختي ولكن ما عرفت شنو هي لحية الشيخ ?
هههههههههههههههههههه ضحكتني عنداكي دخلي فالباب لهلا يحشمنا
ام حبايبي لحية الشيخ ما عنديش اسم اخر ديالها الاخوات الى كيعرفو شي اسم اقلو لنا عليه الله يرحم الوالدين مشكورة اختي بزاف
عيد مبارك سعيد وانا والله ما فهمت شي حاجة هاد العام بغيت ندير القديد ولكن العطرية غريبة شوية مفهمت والو