ثبت في 21/1/2019…ام رزان
اخواتي اليوم جايبالكم اكلة معروفة في قبيلة امي من اعماق جبال الريف اكلة كانت المرحومة د جداتي كتفتل لمحمصة بيديها الطاهرة اللهم ارحمها يا رب العالمين وكتعقل على جداتها كتعملها
المقادير
لحم
بصلة واحدة مشلظة
زلافة من كل هذ العناصر
جزر حمص مبيت ليلة في الماء لفت جلبانة قوق مقطع مربعات قزبور و كرافس +
4 دروس ثومة مدقوق+ زلافة و نصف محمصة+علبة صغيرة مطيشة مصبرة
ملح ابزار خرقوم شاونية سكينجبير
من بعد مكطيب يمكنليك تضيفي زعفران الى بغيتي للون فقط
الطريقة
نقليو اللحم مع البصل
نضيفوا العطرية
هذي كوكوط ديال 8لتر اناضفت6لترات ماء
تم الجزر و الحمص و الربيع و نسدوا عليها 20 دقيقة
هدو يديدات ماما اقبل يدك الطاهرة امي
من بعد نفتحوا عليها نزيدوا الثوم و اللفت و القوق
حتى هما نسدوا عليهم شي 20دقيقة
تقريبا كولشي طاب كفما الصورة
نوضعوا ماطيشة ديل الحك الصغيرمخلط مع المرق نظيفوا شي 2لترات الماء البارد لمحمصة
منسدوش عليها داب و نخليو لمحمصة ديالنا تطيب
و ها هي وجدات
تفظلوا بصحتكم مع تمرالعجوة راااااااائع
سر ط§ظ„ظ†ظƒظ‡ط© هو القوق و اللفت كيندامجوا و لي كيكلو مكيقشع والو هههههههه
ملاحظة
هذ الاكلة الى جربتيها متعطوهاش لرجالكم او ابائكم غاديين يطلبوها دائما و خصوصا في هذ البرد اللهم بلغت اللهم فاشهد
دعواتكن
Hphfdq H;gm vdtdm gih H;jv lk300skm fhgw,v , sv hgk;im >>gghkdrhj tr’ pwvd gghkdrhj H;ev dwvo
الله يعطيك الصحة ابنت بلادي اكلة شتوية رائعة .
انا ثاني واحدة عطيني الزلافةالثانية هههههه
تبارك الله عليك
ملاحظة
هذ الاكلة الى جربتيها متعطوهاش لرجالكم او ابائكم غاديين يطلبوها دائما و خصوصا في هذ البرد اللهم بلغت اللهم فاشهد
شكرا على النصيحة غادي نديرها غير بالتخبية ناكلها بوحدي وراجلي نقلي ليه البيض ياكي
ههههههههههههههه
تبارك الله على الوالدة ،الله يحفظها ليك أختي حمامة.
الله يعطيها الصحة شهاتني فيها…
كانحماق على هاد النوع من الشوربة…..
الله يعطيك الصحة