هاد الوصفة تعلمتها مباشرة من سيدة سورية . وجربتها كتجي بنينة متشبعيش منها واختي ديما كتقولي ديرها لينا. بقاو معايا نعطيكم المقادير
المقادير
2 فلفلات خضرين محيدين ليهم الراس ومنظفيم من داخل حاولي متقبيهاش باش ميتسربش الخليط من برا
2 باذنجانات مقورين( مخويين من داخل وكذلك ميتقبوش)
2 ماطيشات مخويين كذلك حيدي ليهم الراس لكن متلوحيهش خليه باش تغطي بيه
1 نحتاجوها باش نسدو بيها فوهات الفلفلة والباذنجان .
للحشو
250 غ كفتة
كاس رز مغسول
3 فصوص ثوم محكوكين
شوية معدنوس مقطع
3 ملاعق معجون الطماطم
شوية ملح
ابزار
قرفة
سكين جبير
كمون
1 م زيت
الطريقة
ناخدو هاد العناصر ديال الحشو ونخلطوها مزيان حتى دير لينا خليط نبداو نعمرو الفلفلة والباذنجان والطماطم . من بعد كتبقا ماطيشة الاخيرة كنقطعوها اطراف تغطي لينا فم الدنجال باش ميتسربش مع المرق الخليط الي داخل
نوضعو اولا الفلفلة ثم البادناجان والطماطم .
ناخذو 1 لتر ديال الماء ونضيفو ليه 2 ملاعق زيت الزيتون وملح نكبوهوم في الكوكوط ونسدو عليها حتى نحسو بيها طابت
قدميها سخونة وردي عليا.
hglpad hgs,vd
