طاجين الصويري بالمراحل

الشلام عليكم الحادكات ها واحد طويجين د الحوت اسيغاغ كيما كنسموه في مدينة الصويرة هاد النوع د الحوت كايجي غزال مع البصلة او زبيب نتمنى تجربوه
اوا ندوزو المقادير
بالنسبة لشرمولة خرقوم مطحون + سكنجبير +ابزار+الملح+ واحد بصلة محكوكة
بالنسبة للجزر كنقطعوه نفرشوه للحوت
قبيطة ديال المعدنوش + ورقة موسى +شوية ديال زيت اركان في الشرمولة

نديرو البصلة الطيب في كوكوت مع شوية الملح + معلقة زيت اركان + ملون +زبيب نسيت مصورتو مع المقادير

فاش طيب البصلة نزيد عليها شوية دلصوص من الطجين +شوية قرفة + شوية سكر او نخليها حتى تنشف مزان او منحركش البصلة باش يبقا الزبيب معزول بوحدو

كانحطو البصلة او زبيب فوق الحوت بعدما حيدنا ورقة موسى او الربيع

ها الطجين اوجد بالصحة والراحة

---

‘h[dk hgw,dvd fhglvhpg

الله يعطيك الصحة باين غزال

تبارك الله فيك دخلت أنا أولى نطيرر بهاد طاجين قبل مايدخل أخوات ههه هههه

ههههههههههههههههههههه بالصحة والراحة ردي البال راه يلاه طفيت عليه باقي سخووووووووووووووووووووون

غزال الله يعطيك الصحة شهاني

طاجين دايزو الكلام شهيتيني فشي طاجين فحال هذا
تبارك الله عليك

بالصحة والراحة

تبارك الله عليك اختي روعة الله اعطيك الصحة
تسلم ايدك احلا تقييم اختي

ربي يخليك الحبيبة الله يجازيك بلخير

مممممم كيبان بنين شهيتيني فيه
اللهم إني صائمة ههه
تبارك الله عليك أزين و الله يعطيك الصحة
أحلى تقييم لك أختي