ڭراتان اللازانيا من مطبخي بالصور طبعا

01/02/2019

كيف حالكن انيقاتي هذا ڭرتان ديال اللازان تيجي زوين حتى زوجي تيعجبوا قلت نحطه فالمنتدى
المقادير هي كالتالي:

اوراق اللازان* الماء الكافي لسلق الاوراق *القليل من الملح

لصلصة البيشاميل: ملعقة دقيق كبيرة * ملعقة زبدة * ربع لتر حليب * ملح * ابزار ابيض او اسود لمتوفر * حكة من جوز الطيب.

لصلصة الطماطم بالكفتة : بصلة مقطعة صغيرة * 2 فصوص توم * 2 اوراق سيدنا موسى * 1/2 كيلو مطيشة * رابعة الكفتة متبلة * معلقة صغيرة مطيشة الحك * رشيشة ديال الزعتر يابس * معلقة صغيرة سنيدة (اختياري)

وللتزين من الفوق: 150 فرماج محكوك

طريقة التحضير :

اول شيء نسلق اوراق اللازان في الماء والزيت والملح لمدة 10 دقايق تم نزيلهم ونحطوهم فوق توب نقي ومتباعدين ماشي فوق بعضهم لانهم تيلصقوا ملي تيكونوا مزال سخان حتى ملي تكوني تسلقي فيهم حطيهم وحدة وحدة ماشي كلهم فمرة باش ميلسقوش لك مع بعضهم

تندهنو المول بالزبدة

نفرشوا طبقة من اللازان اللي سلقنا كما فالصورة

كنوجدوا لاصوص ديال المطيشة تناخد البصلة مقطعة صغير تنشحروها شوية تم نضيفو عليها لامطيشة منقية ومقطعة صغيرة انا منتزولش ليها القلب اللي مبغاهش يمكن ليه ازولو نضيفو السنيدة ،التومة ،وورق سيدنا موسى ومطيشة الحك والكفتة ونحركوها حتى تطيب الكفتة ويتبخر الما ديال المطيشة كله ونزيد رشيشة ديال زعتر يابس حتى نحصلوا على كفتة بهاد الشكل

تنبسطوا طبقة من الكفتة بهاد الشكل

كنوجد صوص بيشاميل بوضع معلقة كبيرة ديال الزبدة مع معلقة كبيرة ديال الدقيق نخلطوهم بلا منحبسوا على نار مهيلة لمدة دقايق باش اطيب الدقيق تم نظيف الحليب ومع الاستمرار فالتحريك تم نضيف الملح والابزار وحكيكة ديال الڭوزة بعد ما يعقد لينا الصوص نضيفوا عليه 2 حتال 3 معالق كبار كريم فريش ونحركوه حتى انسجم الخليط ويولي عندنا خليط كما فالصورة