بصارة اللوبيا بيضاء

ان شاء الله تكونو فافضل الاحوال، اليوم جبت ليكوم طريقة تحضير بيصارة باللوبيا بيضاء، بديل البيصارة دالفول للي مكايحملهاش بحالي ^^
هاد الوصفة شفتها فبرنامج تلفزي شرقي و جربتها وجات زوينة.
للامانة معقلتش على الوصفة 100% مع مقيدتشهاش ديك الساعة، انڭوليكوم غير ليعقلت عليه وكيف جربتها انا.

بالنسبة للمقادير: ط¨طµط§ط±ط© ط¨ظٹط¶ط§ط، (بايتة فالماء) وومحيدة ليها القشرة(انا طيبتها بقشرتها، درت منها تقريبا 3 دلكيسان)، بصلة، 4 فصوص ثوم، قزبور، معدنوس، ملح، إبزار، ماء
كايدار كلشي فطنجرة، وملي طيب تطحن، وترجعوها فوق العافية تشد فراسها. (فالبرنامج قلات 2 بصلات فزيت حتى ولاو ذهبيين ونصهم خلطاتو مع البيصارة والنص لاخر زيناتها بيه) انا ملي رديتها فوق العافية زدتها شوية دلاصوص ليكنت دايرة للوبيا عادية (ثوما+زيت+مطيشة دالحك) وزينتها بشوية دالمعدنوس والكمون.

وريتها لختي وجرباتها وعجباتها حتى هي. نتمنى لليماعارفينهاش يجربوها حتى هوما.

شكرا على المتابعة.

************************************************** ************************************************** ***********

﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا(56) ﴾

( سورة الأحزاب )

Read more: https://www.anaqamaghribia.com/vb/sho…#ixzz2lhGpjsRN

---

fwhvm hgg,fdh fdqhx fahvm

ممممممممممممم ياسلام على اللوبيا توحشتها تبارك الله عليك أما البصارة بها معمرني شفتها ان شاء الله نجربها

بارك الله فيك، ان شاء الله تجربيها وتعجبك. غير ماتبدايش تاكليها بالمعلقة حيث اتساليها دغيا ^^

الله يعطيك الصحة اختي

آمين ياربي، شكرا احبيبة،الله يحفظك

تبارك الله عليك اختي الله يعطيك الصحة

مممممم انشاء الله غدة نجربها ونيت هاد البرد عا ديال بيصاااارة هههههههه

الله يبارك فيك. الله ينورك

بصحتك، ان شاء الله تعجبك. شكرا على مرورك القيم