السلام عليكم اخواتي فكرت نحط موضوع هنا نجمعو فيه ظˆطµظپط§طھ هاد النظام ويستافدو منو حتى لجديدات و القديمات تزادهم افكار اخرى لابعاد الملل
انا غنبدا انا الاولى ونتمنى تفاعل
وصفة للفطور لديدة و كتحرق الدهون بزاف وخا توقف الحرق هي كتحفزو عاود
المقادير 3 اصفر بيض
كوب ماء حامي
50 غرام زبدة الانواع المدكورة في النظام ممكن وممكن نديرو من 30 غرام زبدة على حساب الرغبة
والنهكات حسب الرغبة انا افضل كاكاو المر تحلية بسكر دايت او بدون لي بغيتو انا كندير سكر دايت كنبغي لحلاوة
الطريقة
نضربو اصفر البيض مزيا ونضيفو ليه زبدة دائبة انا بعد المرات تنديرها بلا دوبان لكن من الاحسن تدوب تم الماء الحامي و السكر ونضرب حتى الحصول على حجم للخليط ونضيف النكهات لي بغيت قرفة او قهوة بدون كافين او كاكاو بدون سكر او فاني او اي نكهة مسموحة ممكن ناخدوه دافيئ في صباح او ناخدوه بارد او نجمدوه وناكلوه كلاص كندير جميع طرق لانو كيخرج بزاف
,wthj ohwm fhgk/hl hg;dj,kd
المقادير صدر الدجاج حسب الرغبة مشرمل وفيه الخردل مع شرمولة لي بغيتي
سبانخ مقطع
وجبن كيري
زبدة او قشدة وممكن نكتفي غير بزبدة انا درت كلشي باش تكون غنية بدهون
الطريقة كتجير صدر فيلي ونضربو فشي مطرقة حتى يتسرح مزيان وناخد السبانخ نقليها بشي وتزبدة والتوابل و الثوم وشوية تمعجون طماطم حتى تطيب ونخلط معاها القشدة و الجبن ونعمر بيها الدجاج ونقفل عليه ممكن تديرو قطعة متاع دجاج والعمارة وفوقها قطعة اخرى عاد تقفلو و تديرو فوقو زبدة وتدخلوه للفرن حتى يطيب منين طاب خديتو دوزتو فالبيض وقليتو فزبدة ممكن تاكلوه من الفرن ديريكت لكن تضيفو ليه جبن وتحمروه من الفوق تيجي بنين والسبانخ مفيدة بزاف بصحة
زوج دنجالات مقطعين ومنقين
فاني وكاكاو
سكر دايت
قشدة وماء
الطريقة
كنسلق الدنجال المنقي ونديرو فالخلاط هو و الكريم فريش مع الماء و السكر و الكاكاو انا درت الماء باش نخفف الكريمة والفاني ونطحنوهم مزيان وندخلوه يبرد ونستمتعو بعصير بعيدا عن الفواكه
شحال غزال هاد الريجيم ههههههه مممتع
ها واحد الشربة زوينة
بصلة مشلضة مع زبدة و ابزار و ملح و سكينجبير مع قطع الدجاج ملي يتقلاو نمرق عليه و نخليه يطيب شوية و نضيف شوية بروكولي
عند التقديم ممكن اضافة عصرة ديال الحامض لكن الا كنتي خديتي خضر بزاف بلاش على ود الكاربس
دابا عافاك الحلوة و الكلاص الله يكرمك
بيضتين مع نصف او ربع كاس الكوك تخفق جيدا، نضع شوية الزبدة في مقلاة يقلى الخليط حتى يتحمر من الجهتين. نتركها لتبرد ثم ندهنه بجبنة الريكوتا او الفيلادلفيا ولكن الريكوتا اطيب ثم نرش فوقها قرفة او فانيليا (خالية من السكر) وبالهناء والشفاء.
الوصفة تنفع للفطور او عند الشعور بالجوع