السلام عليكم ورحمة الله تعالى وبركاته
انا اول مرة كنشارك في منتدى الخاص بالحمية والغذاء الصحي وبغيت نشارك معاكم بعض النصائح الي متبعاها في داري وكنتمنا تعجبكوم وتعملو بها في حياتكم ط§ظ„ظٹظˆظ…ظٹط© :
1- بالنسبة للفطور حاولو تعودو اولادكم الزيت البلدية يفطرو بها والجبن البلدي اللي كيكون صحي وفيه فوائد كبيرة للصحة حسن من فورماج ومورتديلا اللي عمرا بالمواد الحافظة الضارة بالصحة وخصوصا الاطفال
2-الخبز الي معجون بالزراع او قمح مفيد بزاف للهضم وللصحة حسن من الخبز الابيض
3-بالنسبة للطياب كننصح السيدات يطيبو بالزيت البلدية او تكون مخلطة بالرومية لأن زيت الزيتون معروف الفوائد ديالا
4-حاولو تبتعدو على ضامة البنة لأنها غير مفيدة وعامرة بالاملاح والمواد الحافظة
5-حاولو تستغنو على المواد المصبرة في الطبخ ديالكوم بحال طون درة مصبرة الزيتون مصبر …….
6-كترو من السلطات الطرية باش لولاد يتعودو عليها خيار طماطم خس
7-متعطوشي ن ولادكوم شيبس وشكلاط وبسكوي وخا صعيب الحال ولكن على الأقل بكميات قليلة لان ما في تا فايدة عودهوم الفواكه تفاحة بنانة حسن
هذي بعض النصائح الي هي معروفة عند الجميع ولكن مع الاسف مكنعملوهاشي في طظٹط§طھظ†ط§ ط§ظ„ظٹظˆظ…ظٹط© والاطفال ملي كيتعودو على شي عادة صعيب يبدلوها انا بنتي عندا عام و7 شهور والحمد لله كتعجبا زيت البلدية كتفطار بها في صباح لان تعودات ملي كملات العام كنعتيهالى وكتكول خضرة مسلوقة وخى بذلت معها مجهود كبير تا تعودات عليها وفي مكان البسكوي كنعتيها تفاحة او بنانة وكنقطع مطيشة ونعطيهالا كتعجبا بزاف
كنتمنا تستفدو وسمحولي طولت في الموضوع
kwhzp fsd’m td pdhjkh hgd,ldm
موضوع مهم نتمنى الكل يشارك ان شاء الله فكرة من عندك وفكرة من عندي ونمشيو للافضل بادن الله
بالنسبة لي متافقة معاك اختي 100 ف100 حتى انا الفطور اما خبز الدار مع زيت الزيتون وفرماج لانو صحي حليب بدون سكر او بن اما النهار المعتبر عند بنتي نهار نعمل ليها روز بالحليب او السميدة بالصباح تماك كتفرح بزااااااااااااااااف
الملون الصناعي الكاشير ضامة البنة المعلبات خبز الزنقة حلويات شيبس كوكا او عصائر معلبة كلشي مرفووووووووض بالبيت عندي
الحمد لله كنحاول نعجن ونوجد لبنتي وزوجي اكل منزلي 100 ب100 خالي من الدهون وايضا كمية السكريات قليلة ..ميمكنش نمنعو السكر لان ايضا الطفل محتاج لطاقة وانما نعطوها باعتدال
فانتضار مشاركات الانيقات شكرا لك مرة اخرى
حتى انا تنحاول يكون كلشي طبيعي اكتر حاجة تنستهلاكها هي زيت الزيتون
ممنوع جميع المعلابات الا الضروريات
المشاركة الأصلية كتبت بواسطة نادية07 
حتى انا تنحاول يكون كلشي طبيعي اكتر حاجة تنستهلاكها هي زيت الزيتون
ممنوع جميع المعلابات الا الضروريات
شكرا ليك حبيبة نادية على المشاركة
فانتضار باقي الانيقات
مكرهتش هاد الموضوع يلقى صدا عند الانيقات وكل وحدة تفيدنا فيه سواء بوصفات طبيعية او افكار لتعويض بعض المنتجات المعلبة
شوية النشااط هههه هاد القسم مسكين خاصو شوية يتحرك زعما كلشي كيقلب على الرشاقة هههه
سبحان الله لاحظت بلي الوليدات الصغار كيموتو على مطيشة خضرا، يا ريت كل الأمهات واخا غير يقطعوها و يعطيوها لوليداتهم ايلا جاهم الجوع بين الوجبات مرة مرة حسن من les biscuits أو المنتوجات اللي ممكن تضر بصحتهم.
وللإضافة الدكتور فايد تايحددر حتى من البيكاربونات والخميرة الكيماوية اللي تانقولولها خمارة حمرا غير من سميتها بعدا كيماوية نبتاعدو ما أمكن هي غي تاتنفخ ماتاتخممرش. هكا قال الدكتور .
سؤالي فين نلقى السكر الأسمر ؟ وكم تمنه؟ واش يتباع بالكيلو أو في علب؟ فيدوني الله يجازيكم