هى هو فطوري حتى أنا :) المرة 2

السلام عليكم اخواتي او نهاركم مبروك
جيت نوركم فطري للمرة التانية معقلتش ديال أشمن نهار وش 4 أولا 5 ههه
لمهم منطولش عليكم كنتمنى هادشي يعجبكم او قبل عليا
راني عد كنتعلم ف الراجل هه
هادي هي طبلة

كانت عبارة على أول حاجة: عشيري ف رمضان لكنحمق عليه دلاح ههه

بيتزا بعجينة العشر دقائق لمبقتش كتخطاني دارت فيها تون او لبصلة او لفلفلة

عصير لحمض. عصير خيزو او ليمون، اتاي، الماء

طاجن ديال الحوت

ملفاي هنا كنت مازال مقاطعتها كنت يلة سوبتها

أو تمر سلو صوبة لخبز مصورتهمش
إو دعو معايا شي دعوة ديال لخير
اللهم أدمها نعمة و إحفضها من الزوال

---

in i, t’,vd pjn Hkh 🙂 hglvm 2

ممممممممممممم فرحت أني نكون أول وحدة ترد عليك، ماشاء الله عليك وتسلم الأيادي، بصحتكم لفطور، إلا كان ممكن تعطيني كيفاش كتصوب هاديك ميلفوي باين لذيذة بزاف والله يهطيك صحيحتك

تبارك الله عليك اختي
مائدة زوينة متولة ومتنوعة
سلمت يداك

ماشاء الله عليك وتسلم الأيادي، بصحتكم لفطور

ماشاء الله ام فطومة فطور دايزو الكلام
ربي يبارك فيك وفي عائلتك
عطي لخالتك مقادير ميل فاي باينة غزالة
نعطي لعبدو يصاوبها اما الخويلة يا الله مكافية مع الوقت الصحيحة على قد الحال
ماتنساينيش من الدعاء

شكراً زين على رد ديالك
أنا أختي مولفة نصوب لعجين المورق ف دار ولكن هاد لمرة شريت وجد
كنتكو بشوكة مزيان بش ميتنفخش او كندخلو الفران يتحمر مالي كيطب كنقتعو 3 طروفة قد قد
او ندوزو نصوب لكريم بتيسير
أنا كندير فيها 3 سفر البيض 3 معلق فرص 5 معلق سنيدة فاني او نص لتر حليب
كندير لحليب يسخن او كنخلطو البيض او سنيدة او فرص او لفاني مزيان مالي كيسخن لحليب قبل مايفيد كنحيده من فوق لبوطة او نبداو نكبه على لخليط لفيه لبيض بشوية او هنا كنخلطو مزيان مالي نسلي ندرو فوق لعافية مهلة او نبقى نحرك حتى تقال او نطفي عليها او نخلوه تبرد
او لكلصاج للفوق كندير سكر صقيل او نقطات ديال لما حتى كيولي تقيل
مالي كنسلي كنشد طرف ديال لعجين ندير فوق من لكريم او نحط طرف أخر ديال لعجين او نحط فوق لكريم او نحط طرف الأخير ديال لعجين او ندير هداك لكلاصاج او نزوق بشكلات
كنتمنى نكون شرحت لك مزيان

خالتي الله يجيب شفا والله راك ديمة ف بلي
لمقدر راني كتبتهم لواحد لأخت

شكراً على مرورك أختي نهارك مبروك

عوينتك لزونين أختي كتشوفي كلش زوين