طرطة كلاصي ساهلة ولذيييييييييييييذة وتتحمرالوجه قدام الضياف

كيف دايرين انيقاتي نتمنى تكونو بخير بغيت نشارككم بهاد الطرطة الي معتمداها شحال والي اغلبكن تتعرفوها اوا ما فيها باس تشوفوها من يديا ههههههه اوا ندوزو للمقادير

بكية لكريم شانتيي
حك نسلي محلى بااااااارد
1 دانون كريمي فاني بااااارد
نصف لتر حليب باااااارد
ملعقة صغيرة نسكافي مدوبة فشوي د الحليب
ملعقة كاكاو+شوي د اللوز محمر ومهرمش
والطريقة راه مبيناها الصور

نخلط رابعة د الحليب مع غبرة الشانتيي حتى تطلع نصيف ليها الحليب الباقي ودانون ثم نسلي وخاص العناصر تكون كلها باااااااااااااردة مع التخلاط بالباطور الكهربائي دائما

نقسم الخليط على 3 الاول نضيف ليه نسكافي و2 الكاكاو و3 نخليوه عادي اي بنكهة الفاني

لما نوضع كل طبقة نحطوها في الكونجلاتور مدة ساعتين نجبدوها ونضع فوق منها اللوز محمر في الفرن ومهرمش نفس الطريقة لباقي الطبقات ونديروها في المجمد مدة 12 ساعة اواكثر وممكن تزينوها بلي حبيتو

عملوها في مول كبيراي حجم عائلي وتيتحل من الجناب باش نديموليوها بسهولة

نتمنى نكون توفقت في الشرح وتنال الوصفة الاعجاب ديالكم

‘v’m ;ghwd shigm ,g`ddddddddddddd`m ,jjplvhg,[i r]hl hgqdht 3id 3lik arte hggi jfhv; jfhv; hggi ugd; ghadi jida jidan lik llah milad tarte tbarkalah ugd; wa3ra wald waldi