lgt ohw f]v,s hg],vm hgH,gn gtk j.ddk hg;d; lu Oum> Kenza lhahx hggi lfv,; Hojd Hv,u Ht;hv hggi hggi du’d; hgwpm hgl,g] hgwp jptm [.dg kenza vhzum oum ugn ih] ;f;m
اليوم ان شاء الله غا نبداو درسنا الأول من الدورة
و لي غادا تهتم بفن التزيين و لي هو العائق بالنسبة لبزاف ديال العيالات.
أول درس ديالنا هو الجنواز , و لي هي الأساس في تحضير الحلويات …و الفرق بينها و بين الكيك العادي , أنها ما فيهاش سوائل بحال الحليب أو الزيت و كدلك ما فيهاش الخميرة, و لكن
طريقتي المعتمدة فيها الخميرة و فيها الفاني .
على بركة الله نبداو بالمقادير:
4بيضات -120غ سكر – 120 طحين – 1خميرة حلويات – 1فاني
أول حاجة وجدي المول لي غادا تستعملي انا استعمل مول ديال 18سم , فرشي فيه ورق الزبدة و دهنيه و رشيه بالدقيق.
شعلي الفران ديالك على درجة 180 °
ثم بداي طربي السكر و البيض بالطراب الكهربائي جيدا حتى يطلع الخليط و يولي اللون ديالو فاتح.
ضيفي الدقيق المغربل مع الخميرة تدريجيا من الاحسن على 3 مرات مع التحريك من الاسفل الى الأعلى حتى يمتزج الخليط من غير ما نطيحو قوام الخليط.
ديري الخليط في المول و ادخليه للفران حتى تطيب الجنواز.
من الأفضل ترك الجنواز لية كاملة ومن بعد نزينها .
ملي تبغي تستعمليها قسميها على 3 طبقات متساوية .
ملاحظات:
° يمكن عمل جنواز بالشكلاط باضافة ملعقة او ملعقتين كاكاو و في هذه الحالة يجب ازالة نفس المقدار من الدقيق
باش ما تجيناش ناشفة بزاف.
° البيض خصو إكون بحرارة الغرفة باش تحصلى على نتيجة جيدة و ديما طبقي نفس الشيء بالنسبة لجميع انواع الكيك.
° من بعد ما تطيب الجنواز ما تخرجيهاش مباشرة من الفران , غي اطفيه و خلي الجنواز واحد 5 حتى 10 دقائق باش ما طيحش و طبقي نفس الشيء لجميع انواع الكيك…بعد ما تخرجيها قلبيها من الاحسن فوق شبكة الكيك وخليها تبرد مزيان …فوق الشبكة ما كتعرقش الكيكة .
قبل ما نبداو في الدرس ديالنا بغيت نوضح ليكم بلي كاين فرق بين عجينة السكر {الفوندان} و بين عجينة الباستياج { الكام بيست{ .
عجينة السكر هي لي كا نغلفو بيها الكيكات , كتكون رطبة و ملساء وسهلة في الخدمة , و الوصفات لي فيهم شكلاط ابيض او اسود راه كيتسماو عجينة الشوكولا ماشي عجينة السكر
J
اما عجينة الباستياج فهي لي كنستعملو في تحضير الورود أو أي شكل بغينا نزينو بيه عجينة السكركتكون قاصحة شوية و شكل لي قادينا بها كا يبقى شاد و واقف و دغيا كيقصاح.
الطريقة الأولى في تحضير عجينة السكر او الفوندان:
1 أبيض بيضة + 2 معلق كبار كليكوز +650 غ سكر كلاصي ناعم مغربل مزيان {يمكن تحتاجي اقل او شوية أكثر }
وضعي ابيض البيض في سوبيرة و بداي تزيدي شوية ديال سكر كلاصي و انتي كتحركي بالمعلقة , ملي يبدأ الخليط إثقال زيدي 1 معلقة كليكوز ثم السكر كلاصي , وبداي تعجني بيديك من بعد ضيفي المعلقة الثانية من الكليكوز و ضيفي شوية بشوية ما تبقى من السكر كلاصي حتى تجمع ليك العجينة , و تتكون ليك عجينة رطبة و ملساء .
الطريقة الثانية في تحضير عجينة السكر او الفوندان { هاد الطريقة لي حضرت أنا في الصور}
4 معالق صغار جيلاتين بودرة حلال {بقري}
4 معالق كبيرة ماء
120 مل من كليكوز او شراب الدرة
سكر كلاصي ناعم مغربل مزيان { تقريبا 1كيلو}
ناخدو الجيلاتين نضيفو ليه الماء و نوضعوه في حمام مريم و نحركو حتى يدوب
نضيفو الكليكوز و نحركو ثم الجليسيرين حتى يمتزجو مع بعضهم
نحيدوهم من حمام مريم و مباشرة نبداو نزيدو السكر كلاصي شوية بشوية
نزيدو فالسكر حتى يتكون عندنا خليط لزج
نضيفو السكر مرة اخرى و نخلطو مزيان
ملي تلاحظي الخليط بدا يتجمع , رشي سكر كلاصي فوق سطح اكون نظيف و كملي التدلاك مع اضافة السكر حتى تتكون عجينة رطبة ما كتلصقش لنا في يدينا.
هدا هو الشكل ديالها ملي كتكون واجدة
غلفيها ببلاستيك و احتفظي بها في علبة بلاستيكية مسدودة مزيان, في مكان جاف حتى تحتاجيها.
تحضير الباستياج :
500 غ سكر كلاصي ناعم و مغربل + 5غ جيلاتين دايبة في 40 غ من الماء + عصير نصف حامضة
خدي الجيلاتين وضعيه في الماء و سخنيه في حمام مريم او في مييكرو اوند حتى تدوب , ضيفي عليها شوية من السكر كلاصي و بداي حركي بالمعلقة , ثم ضيفي عصير نصف حامضة و حركي ثم زيدي شوية بشوية السكر حتى ابدأ الخلييط اتجمع , ضيفي شوية بشوية السكر و انتي كتعجني حتى تتكون عندك عجينة ما تلصقش في اليدين .
__________________________________________________ ______________________
هادو وصفات اخرين ديال عجينة السكر , كينجحو بإدن الله
30 غ ماء , 5 غ من اوراق الجيلاتين , 60 غ كليكوز سائل , 450 غ حتى 500 غ سكر بودرة ناعم ومغربل
غادا ديري اوراق الجيلاتين مع الماء وتخليهم 2 دقائق , من بعد دوبيهم في حمام مريم , ثم ضيفيهم على نصف كمية السكر مع الكليكوز و خلطي , مرة مرة زيدي السكر حتى تجمع ليك العجينة و ماتبقاش تلصق ليك في يديك .
هاد الوصفة كتعطينا تقريبا نصف كيلو من عجينة السكر , الى نتي محتاجة اكثر عاودي نفس الطريقة باش تحصلي على كيلو من العجينة , غادا تقولي لي واش امكن ندوبل المقادير من الاول , امكن ليك ولكن انا جاتني اسهل هكدا كتحكمي فيها ودغيا كتجمع ليك وخصوصا الى عندك العجانة خلطي فيها دغيا كتجمع العجينة
°°°°°°°°°°°°°°°°°°°°°°°°°°°
هادي وصفة اسهل بدون جيلاتين ولا كليكوز
450 غ ميني مارشمالو / شامالو / كيموف
2 حتال 5 معلقة كبيرة ماء حسب نوع المارشمالو
كيلو تقريبا من السكر كلاصي الناعم مغربل
2 معلقات صغيرة من سمن نباتي{ الى يمكن ليك تحصلي على سمن نباتي بحال كريسكو احسن}
دخلي الشامالو للميكرواوند 30 ثانية ملي تخرجيه الى ما عندكش ميكرو اوند امكن ليك دوبيه في حمام مائي
خلطيه شوية بشوية بالسكر كلاصي ناعم
وانتي كتعجني دهني مرة مرة يديك بداك السمن النباتي
الى جاتك قاسحة زيدي ملعقة صغيرة ماء و الى جاتك كتلصق بزاف زيدي شوية سكر كلاصي {حسب نوع الشامالو } حتى تجمع و تولي ملساء .
الشامالو هو واحد الحلوة ديال الصغار كتكون اسفنجية و راه موجودة هاهي صورة خديتها من نت باش تعرفو الشامالو و المارشمالو و تقدرو طبقو الوصفة ان شاء الله
كيتباع في الوان , كاين الابيض , وكاين الوردي و الاصفر و البلو سييل
الى كنتي غادا تحتاجي لعجينة في الوان اخرى من الاحسن تاخديه ابيض باش تلوني العجينة من بعد بلي بغيتي, و الى مثلا كنتي باغا العجينة تكون وردية كلها خوديه وردي كيعطيك عجينة لونها وردي فاتح …
هادي صورة ديالو خديتها من النت باش تعرفوه
هادي وصفة ساهلة لكريمة الزبدة وكتجي زوينة وخفيفة .
2 بياض البيض + 150 غ زبدة بحرارة المطبخ +125 غ سنيدة + نصف كاس صغير ماء}
تقريبا40 غ ماء{
درس ديالنا غادي اكون كيفية حشو الكيك ديالنا و تغطيته بالكريمة بطريقة سهلة
أول حاجة غادي ناخدو بوش {جيب الحلواني} و نوضعو فيه الكريمة ديالنا, حاولو ما تعمروهش بزاف باش ما تخرجش لينا الكريمة من
الفوق .
اسهل طريقة باش تعمرو البوش هي توضعوها وسط كاس كبير .
أنا استعملت الدوي رقم 12 الى ما كانتش متوفرة قطعي غي البوش ولكن غي قطعة صغيرة.
خدو كارتونة و غلفوها بورق الومنيوم او لي عندها ديال الحلويات واجدة احسن, و ديرو شوية من الكريمة كيف باين في الصورة , باش الكيك إلصق و ما يميلش ليكم .
خدو واحد الطبقة من الجنواز و من الاحسن تكون الطبقة لي كانت في الفوق باش الى كان شي عيب ما يبانش.
اسقيوها مزياااان بالسيرو باش ما تجيكومش ناشفة .
{السيرو : 100 مل ماء + 100 غ سكر غير اغلاو و طفي عليهم , يمكن تنسمو بالنكهة لي بغيتو }
ملحوظة : ما تخليوش السيرو حتى اتعسل حيت كيقصاح في الكيكة الى دخلناها للثلاجة , غي اغلا صافي وطفيو عليه.
و بداو كيف ما باين في الصورة ديرو الكريمة بنفس الطريقة .
ثم سرحو الكريمة بالسباتول
عاودو نفس الطريقة , حطو الطبقة الوسطى من الجنواز , و سقيوها مزيان بالسيرو ثم وضعو الكريمة.
حطو الطبقة الاخيرة من الجنواز و هي الطبقة لي كانت التحت, حيت دائما كاتكون مستوية و من الاحسن تكون هي الفوق باش الكيكة ديانا يكون سطحها مستو .
سقيوها كدلك بالسيرو , و هاد المرة وضعو طبقة خفيفة من الكريمة ماشي بحال الطبقات لي قادينا ,غي شوية من الكريمة
و حاولو تنزلوها للجناب بواسطة السباتول
سرحوها بشوية بشوية و خاولو الكريمة تكون مستوية على الكيكة كاملة
حتى توصلو لهاد النتيجة
داكشي علاش غا نحتاجو فقط طبقة خفيفة من الكريمة غي باش تلصق لينا عجينة السكر فوق الكيك.
ويمكن لينا نعوضوها بنوتيلا مثلا, المهم لي اخلي لينا عجينة السكر تثبت فوق الكيك .
ملي توصلو لهاد النتيجة دخلو الكيكة ديالكم تبرد شوية والكريمة تشد.
الدرس الخامس من دورة فن تزيين الكيك : الشكل الأول من التزيين
درسنا اليوم هو كيفية التزيين , و اختاريت ليكم كأول تزيين شكل ساهل على قبل المبتدئات .
ملحوظات:
°عجينة السكر كتسرح فوق الورق الخاص بها أو فوق الرخامة و تكون مرشوشة بالنشا او سكر كلاصي باش ما تلصقش ليك.
°عجينة السكر ديما غطيها ببلاستيكة باش ما تنشفش ليك.
°الخليط لي كلصق بيه الوريدات هو " طريف من عجينةالسكر + معلقة صغيرة من الماء او شوية سكر كلاصي مع شوية ديال الماء , حركيه واستعمليه فتثبيت الوريدات أو اي شكل اخر, و لكن غي شوية باش ما يخسرش ليك العجينة.
على بركة الله
غا تحتاجو :
سكر كلاصي نرشو بيه مرة مرة السطح الي خدامين عليه.
للتدكير السطح اكون نضيف حيث اي فرتوتة غادا تلصق بالعجينة و غادا تبان فيها
نرشو البلاصة لي غا نخادمو عليها بشوية سكر كلاصي , و نرشو شوية كدلك على المدلك ديالنا.
و نبداو نسرحو العجينة ديالنا
ما تكونش رقيقة بزاف حيث ملي غا نبغيو نهزوها غادا تقطع
العلو ديالها اكون 1 سم او اقل بشوية فقط
نهازوها بشوية و نحطوها فوق الكيكة ديالنا بعدما نكونو غلافناها بشوية الكريمة
نحاولو نقادوها غي بشوية و من بعد نقطع الزائد.
نخليكم مع الصور
و هدا هو الشكل النهائي ديالها
كنتمنى تجيكم ساهلة و توفقو في تحضير نفس الشكل, و أنا رهن الإشارة لأي استفسار او توضيح
مرحبا بيكم فدرسنا الخامس من دورة تزيين الكيك بعجينة السكر, و هادا شكل اخر في التزيين بالوريدات.
نخليكم مع الصور
ملي تشكلي الوردة جمعيها شوية من التحت , غادا تلاحظي ان الوردة تفتحت اكثر قطعي الطبقة السفلى.
سرحي عجينة السكر باش تغطي الكيكة ,
خدي لون مغاير للون لي غطيتي به الكيك
ديري شوية ديال اللصقة فوق الكيكة
من بعد لصقي الوريدات
الدرس الثامن من دورة فن تزيين الكيك : الشكل الرابع من التزيين
درسنا اليوم غادي يكون شكل اخر للتزيين
كنتمنى تستافدو أخواتي الأنيقات
بسم الله نبداو على بركة الله
اول حاجة باش غا نبداو هي الويدات
منقادوهم الليلة باش اقصاحو لينا و يشدو أكثر
ولي غا نقادوهم بالباستياج
نسرحو العجينة ديالنا { لون لي بغيتي} فوق سطح مرشوش بالسكر كلاصي
ونقطعو بمرشم على شكل وردة
و نوضعوهم فحاجة مقعرة مرشوشة بشوية سكر كلاصي
نسرحو عجينة بيضاء ونقطع دوائر
و نكور كل نصف بين يدي .
نوضعو الكرات على شبكة الغربال و نضغطو شوية
و نلصقو كل دائرة فوسط وردة
الغد نوجدو الكريمة نعمرو بيها الكيكة و نجيو للتزيين
ناخدو لون مغاير للون بش غلفنا الكيكة
و نسرحوه بالطول ثم نقطعو شريط يدور على الكيكة
نقطعو شريط تقريبا بطول 10 سم
و نلصقوه كيف ما باين في الصورة
نخليكم مع الصور راه الطريقة مشروحة
وهدا الشكل النهائي
هادشي غزا ا ا ا ل تبارك الله
الله يعطيك الصحة 🙂