3 انواع تارتات للافراح و المناسبات

30/12/2019

تارت بالليمون من 2 طبقات

السلام عليكم و رحمة الله
نتمنى من الله تكونو جميع فاحسن الاحوال

كل الشكر للشاف برنارد لان هاد الحشوة عملتها من عندو كان منزلها فالسيت ديالو

بالنسبة لهاد التارت فالحشوة ديالها كتكون من 2 طبقات
بالنسبة للطبقة الاولى بكريم اللوز
قشرة 2 برتقالات
90 مل عصير برتقال
2 بيضات
100 غ سكر ڭلاصي
75 غ زبدة فحرارة المطبخ
85 غ لوز مصلوق و مطحون
عجين التارت من هنا
https://www.anaqamaghribia.com/vb/sho…=1#post9071895
بالنسبة للطبقة التانية
1 بيضة+اصفر بيضة
85 غ سكر
قشرة برتقالة
90 مل عصير البرتقال
85 غ زبدة 5 غ نشا او مايزينا

على بركة الله نخلطو جميع المقادير و الزبدة لازم تكون فحرارة المطبخ باش تخلط بسرعة

نخلطو جميع المقادير و نعملوهم على التارت لي خرجنا من الفرن تم ندخلوها مرة اخرى تقريبا 30 حتى 35 دقيقة او حتى تتحمر كما ترون فالصورة

بعد مرور 15 دقيقة تقريبا نبداو بتحضير الطبقة التانية
نخلطو جميع المقادير باستثناء مايزينا

تم نضيفو النشا و نعملوه على نار مهيلة و نستمرو فالتحراك حتى يعقد الخليط

هنا منين خرجت التارت من الفرن عملت عليها الطبقة التانية و دخلتها للتلاجة تبرد

ها هي منين بردات و وجدات جات روعة بزآآآآآآاف و لديدة جدا
نتمنى من الله انها تعجبكم و في امان الله

بالنسبة لهاد الزواق كنعمل قليل من الشوكولا على پلاستيك الاستات و كنسرحو كما سبق و وريتكم فالملف الخاص بالشوكولا و كنعملو بهاد الشكل و كنزلو على التارت
نتمنى من الله نكون فدتكم و في امان الله
كل الشكر للشاف برنارد لان هاد الحشوة عملتها من عندو كان منزلها فالسيت ديالو

3 hk,hu jhvjhj gghtvhp , hglkhsfhj

Tarte Bourdaloue

السلام عليكم و رحمة الله
نتمنى من الله تكونو جميع فاحسن الاحوال
هادي تارت بالبوعويد كتجي غزآآآآآآآلة بزآآآاف نتمنى من الله انها تعجكبكم
على بركة الله سنحتاج ل

عجين حلو او اي عجين كتفضلوه
بيضة +اصفر بيض
110غ زبدة فحرارة المطبخ
110 غ سكر ڭلاصي
110 غ لوز مصلوق وناشف و مطحون
قليل من القرفة
قليل من الڤاني
2 بوعويد مقسومين على 2 و صلقتهم فما لمدة 10 دقيقة مع قليل من القرفة و الحامض و السكر

كنعمل العجين فالقالب و ندخلو للفرن متوسط الحرارة تقريبا 20 دقيقة

عملت البوعويد مع قليل من الحامض و القرفة و السكر

فهاد الاثناء نوجد خليط اللوز
نخلط كل المقادير و نضيفها فقالب التارت بعد ماتخرج من الفرن

تم نضيف البوعويد و ندخل التارت للفرن تقريبا 40 دقيقة

هنا منين خرجتها من الفرن ممكن تسقيوها بسيرو اذا بغيتو انا شخصيا كنفضلها مع قليل من الكريم شونتي

زوقتها بهاد الشكل
كتجي معلة بزآآآاف و لديدة نتمنى من الله نكون فدتكم ولو بالقليل و اي استفسار انا رهن الاشارة
في امان الله

السلام عليكم و رحمة الله
تقبل الله منا و منكم صالح الاعمال يا ربي امين
هاد التارت كتجي لديدة صراحة و هي بسيطة و سهلة التحضير
الفرن لازم مايكون سخون من قبل باش يساعد السكر يدوب*

على بركة الله سنحتاج ل
للعجين
210 غ دقيق
35 غ سكر ڭلاصي او اقل*
125 غ زبدة فحرارة المطبخ
25 غ لوز مطحون
فانيلا
بيضة فحرارة المطبخ
للحشو
3 تفاحات مقطعين و عملناهم فقليل من الحامض
150 غ سكر سنيدة
قليل من القرفة
مكسرات للتزيين اختياري

على بركة الله نخلطو جميع المقادير ديال العجين و نخليوهم يتعجنو*

خليتو يرتاح فحرارة المطبخ 30

سخنت الفران على 350 درجة
سرحت العجين ما بين 2 ورقات سلفيريزي و عملتو فقلب المقلة

للاشارة انا هنا عملت مقلة 20 سم

نزلت عليه التفاح
و رشيت عليه السكر و القرفة و دخلتو للفرن
تقريبا ما بين 35 حتى ل 45 دقيقة

هنا تقريبا من بعد 30 دقيقة يلاه بدا السكر كيدوب

ها هي منين وجدات*
خليتها تبرد فحرارة المطبخ تم دخلتها للتلاجة

زينتها بالپيسطاش و الفريز نتمنى من الله انها تعجبكم
و الله يتقبل منا و منكم صالح الاعمال

عجين حلو باللوز

السلام عليكم و رحمة الله
نتمنى من الله تكونو جميع فاحسن الاحوال يا ربي امين
هاد العجين الحلو كيعجبني و هو المفضل عندي فجميع التارت تقريبا اضافة لنوع اخر كيجي تقريبامورق كنعجنو باللبن كيجي روعة حتى هو ان شاء الله نزلو ضمن الوصفات القليلة القادمة
انا بالنسبة للعجين كيما قلت هدا هو لي كنعمل دائما فقط كنغير فالنكهات مرة كنعمل النوازيت و مرة پيسطاش و مرة كنعمل نوازيت و شوكولا
المهم كنحاول مرة مرة ندخل نكهة جديدة او بعض المرات كنعمل الكوك و اللوز او حبات النسكافي المهم لكم الاختيار
على بركة الله سنحاج ل

250 غ دقيق
175 غ زبدة 50 غ لوز مصلوق و مطحون
60 غ سكر ڭلاصي
قليل من الڤاني
قليل من الملح
2 اصفر البيض

على بركة الله نطهنو اللوز و نخليوه على جنب
نعملو اولا الزبدة و الدقيق و الملح و نحاولو نرملوهم فالماكينة او بيدينا

تم نضيفو اصفر البيض و اللوز و السكر ڭلاصي

ثم نعجنو الجين و نخلطو حتى يتكون عندنا عجين يكون خفيف ماشي قاصح
نعملوه فپلاستيك و ندخلوه للتلاجة

منين نبغيو العجين طبعا نخرجوه من التلاجة و نشعلو الفرن على حرارة متوسطة
بما ان العجين كيكون خفيف من الافضل نعملوه ما بين 2 ورقات پلاستيك او 2 ورقات سلفيريزي و نطلقو العجين و بسهولة نعملوه فالمقلة
نتمنى الوصفة تكون فادتكم و اي استفسار انا رهن الاشارة و لاتنسونا من صالح دعائكم و في امان الله

عجين حلو بالبندق و الشوكولا
السلام عليكم و رحمة الله
نتمنى من الله تكونو جميع فاحسن الاحوال يا ربي امين
هادي وصفة ديال عجين حلو بالبندق و الشكلاط لي كنعمل بزآآآآآف كنعملها كقاعدة للتارت او بعض المرات كنعمل معا البيض كامل و نعملها سابلي صغيراو كنعملها بحال شورت برد بدون بيض كتجي روعة بزآآآآآآآف
نتمنى من الله انها تعجبكم
العجين كيكون سهل التكسر لهدا قبل مانعمرها لازم نحطها فالتلاجة تبرد باش الزبدة لي فيها تقصاح عاد نعمرها او اذا عمرتها و دخلتها للفرن لازم مانزولهاش من المقلة قبل ما تبرد

على بركة الله سنحتاج ل
250 غ دقيق
20 غ بندق بقشرتو
40 غ شكلاط غبرة بدون سكر
2 اصفر البيض
ڤاني
50غ سكر او اكتر حسب الدوق انا هنا كنت غادي نعمر التارت بموس دالحامضو هي حلوة لهدا نقصت من السكر
180 غ زبدة