كيك رولي بالشوكولا و الكريما الانچليزية

السلام عليكم و رحمة الله
نتمنى من الله تكونو جميع فاحسن الاحوال يا ربي امين
لبارح حضرت هاد الكيك لاحدى الصديقات و قلت لازم مانشارككم به
هنا عملت الجنواز العادية و ضفت ليها حبات القهوة سريعة الذوبان عطات مذاق رآآآآآآآآئع جدا للجنواز
بالنسبة للكريم عملت ڭناش الشوكولا و طربتها ثم حشيت بها الكيك
و عملت عليها جيلي الشوكولا بالكاكوا ثم كان الزواق بديكورات الشوكولا
بالنسبة للجنواز كتكون خفيفة جدا طبعا اذا سقيناها كيكون من الصعب اننا نقومو بلفها انا غالبا كنستعمل الجنوز بالزبدة دايبة او كنعمل معها صلصة باش ماتكونش ناشفة
هنا عملت الصلصة ط§ظ„ط§ظ†ع†ظ„ظٹط²ظٹط© و هي عبارة عن كاستارد خفيفة نفس طريقة الكريم پاتسيير ولكن بدون نشا او دقيق
انا كنفضل نضيف 2 او 3 معالق كريم سائل على الحليب حتى يعطيه طعم غني اكتر
نتمنى من الله انها تعجبكم
على بركة الله سنحتاج ل

جنواز انا هنا عملت مقلة كبيرة و كنت اريد الجنواز تكون نسبيا كثيفة فستعملت 6 بيضات
6 بيضات
140 غ سكر
160 غ دقيق مغربل
2 معالق كبار حبات قهوة سريعة الدوبان ( نسكافي)
ڤانيلا
بالنسبة للڭناش من هنا المشاركة رقم 2
https://www.anaqamaghribia.com/vb/sho…748&highlight=
كاكاوا جيلي من هنا المشاركة رقم 2
https://www.anaqamaghribia.com/vb/sho…396&highlight=
بالنسبة لكريم النچليزي
4 اصفر بيض
400 مل حليب
3 معالق كبار كريم سائل ( اختياري )
3 معالق او اكتر سكر على حسب الذوق
ڤانيلا
شوكولا دايبة للتزين
ورق الپرشمان او ورق پلاستيكي خاص بالشوكولا

على بركة الله نطربو البيض مع السكر و الڤاني
حتى يتضاف الحجم تقريبا 3 مرات و تصبح عندنا كريما باهتة اللون

نضيفو الدقيق المغربل مع حبات القهوة سريعة الذوبان نخلطو على سرعة قليلة جدا او ممكن تستعملو الملقغ الخشبية او بلاستيكية

نسرحو الخليط ديلنا فمقلة الخاصة بالرولي و ندخلوه لفرن متوسط الحرارة ما بين 12 حتى ل 15 دقيقة

نخرجو الكيك من الفرن نتركه يبرد ثم نمرو لتحضيت الڭناش المطربة
لڭناش كنخليها تبرد تم نطربوها حتى تصبح عندنا كريم كثيفة و لونها باهت كما فالصورة

نقطعو جنبات الكيك و نعملو الڭناش نسرحوها فالوسط ثم نقومو بلف الكيك كما ترون في الصور دخلتها للتلاجة تبرد تقريبا ساعة

يجب الانتباه هنا اذا سخن الحليب و البيض فابيض يتختر مع الحليب خاصة اذا ضفنا الكريم لهذا يجب النتباه و يجب عدم وصوله الى درجة الغليان
نحصلو على كريم كما في الصور نتركه يبرد قليلا حتى وقت التقديم

بالنسبة لهاد الشكل ناخد ورق الاستات الخاص بالشوكولا او ورق الپرشمان و نعملو فيه هاد الشكل و نلفوه كما فالصورة و من الافضل نعملو قليل من اللصاق باش يبقى ملوي

نترك الكريم تبرد و نمرو لتحضر ديكورات الشوكولا
على بركة الله ندوبو الشوكولا
انا هنا عملت 2 انواع ديكور
بالنسبة لهاد الشكل الاول نحتاج الى پلاستيك لي كنلفو فيه الاشياء يكون جديد

هاد الطريقة كنت شفتها عند الاخت سارة ام ملاك مشرفتنا سابقا كانت عجباتني بزآآآآآف الله يجازيها بكل خير كانت عملاتها فاحدى مسابقات الكيك ف
كنعملو الشوكولا فوق من هاد الپلاستيك و نسرحو مزيآن تم ندخلوه للتلاجة يبرد