كيكة بالباربا والليمون

Oum Hedayah
6-1-2019

اول حاجة كنحتاجو لكاس الليمون معصر مع باربا كبيرة او 2 صغار مصلوقين

كنطحنوهم حتى نحصلو على عصير بهد الشكل

دابة ندوزو لباقي المقادير

نحتاجو
4 بيضات
كاس سنيدة
كاس الزيت
2 كيسان ونصف الدقيق حتى ل3 كيسان حسب الدقيق
3 خمارات
1 فاني الزهر
قشور ليمونة محكوكة
وكاس العصير الباربا والليون لوجدنا
نديرو في الميكسور البيض وسنيدة وفاني الزهر

نخدموهم مزياااااااااااااااااان وحنا نزيدو في الزيت

ونزيدو قشور الليمون وعصير الباربا دائما وحنا مخدمين الميكسور

نزيدو الطحين المغربل مع الخمارات

نخلطو كلشي ونكبوها في مول مدهون ومرشوش بالدقيق

ندخلوها تطيب كيف الكيك العادي وهاهي مني طابت

نقلبوها فوق شبكة ونخليها تبرد

ممكن نخليوها هكاك او نزينوها بلي بغينا انا اختاريت ندير ليها شوكلاط ابيض مدوب مع دانون طبيعي

نزيدو عليه ملون احمر

ونخلطو مزياااااااان وهاو التزيييييين موجود

نزينو بيه الكيك ديالنا وبالصحة والراحة

كيجي شكلها غزال وحتى من الداخل كيجي غوز سمحو لي نسيت مصورتها من الداخل
اللهم ادمها نعمة واحفظها من الزوال