بييس مونتي لي درت فواحد العرس اول تجربة لي

[URL=https://www.anaqamaghribia.com/pic/][/U
RL]
جينواز لي كنستعمل انا فيها 4 البيضات كنطربهوم مزيان مع 120غ سنيدة حتى كيولي الخليط بحال الكريما تم +120غ فرص مغربل مع ربع م ص خميرة حمرة ونخلط من تحت الى فوق الى بغيتي طورطة كبيرة ضاعفي المقادير تم صبي الخليط فوق سولفيريزي فطبسيل يكون مستطيل باش تجيك رقيقة شوية ملي تطيب تركيها حتى الغد ليه عاد زينيها
من بعد خودي قطاعة تكون دائرية او بالشل لي تحبي من بعد سقي لجينواز بالمونادا الحمرة كتجي رائعة بحال الباتسري تم عملي الكريما انا استعملت هولالا كتجي زوينة ونسميهااما بالكرميل او اللوز محمر ومهرمش اولي حبيتي ديري تم طبقة كريم فوق البيسكوي تم عاودي عملي البيسكوي وسقيه وعمل طبقة تكون رقيقة بزاف من الكريما خاص يبان البيسكويتم غلفيها بعجين الشكلاط
كتعملي في كاسرونة فوق النار الماء وحده اخرى فيها 2م ككليكوز حتى يتطلق +250غ شكلاط ابيض ونحرك حتى يدوب ونزولوه من فوق النار + ورقة جيلاتين تكون مرطبة من قبل فالماء البارد ومعصورة ونحرك حتى تدوب تم +السكر كلاصي سبيسيال مغربل ونعجنوها ونعلوه فالتلاجة يشد راسو شوية من بعد الزواق اختياري عمل لي يروق ليك

fdds l,kjd gd ]vj t,hp] hguvs h,g j[vfm l,ked t,hd]