4/12/2019
السلام عليكم ورحمة الله وبركاته
لحبيبات لغاليات, حبيت كيف العادة نتقاسم معاكم وصفاتي, وليوم مع وصفة جديدة وراااائعة, ط·ط§ط±ط· ط¨ط§ظ„طھظپط§ط وباط بريزي, تأكل داااافئة, تصلاح لهذا الفصل البارد, نتمنى تروقكم وتجربوها.
نبدأ باسم الله وبالتفاصيل المملة, تابعوني….
*مقادير العجين(لباط بريزي):
-250g طحين
-125g زبدة (ديال لعبار)
-50g ماء
-اصفر بيضة
-قبصة ملح
(ما يميز هاد العجين, هو عدم احتواءه على السكر)
*الطريقة:
نقطع الزبدة الى مربعات صغيرة ونخدموها مزيان مع الطحين حتى نحصلو علة عجين مرمل
نجوف الخليط ثم نضيف اصفر بيضة+ملح+ماء, نخلط بأصبعين فقط من الوسط الى الخارج حتى تدخل السوائل في العجين
(انا هنا فلتلي الماء هههه ولكن مشي مشكل)
دبا غنخدمو العجين بهاد الطريقة:
نحطو العجين قريب لينا, ونمعسو العجين (اللي فالطرف الاخر ) بيدينا واحد 20cm ونعاودو العملية حتى يتسالى العجين كااامل, والصور توضح…
وها العجين واجد, ندخلوه للثلاجة لمدة نصف ساعة
*مقادير الحشوة:
150g سنيدة
150g زبدة
7تفاحات متوسطة
نعملو السكر والزبدة فالمول, نحطوهم على عافية مهيييلة, تيتذهب لون الخليط فقططط ونزولوه من فوق النار.
نكونو قشرنا التفاحات وحيدنا ليهم القلب,نقسموهم على 4, نوضعوهم فالمول, الجيهة المقوسة خصها تجي هي لتحتانية, نغلفوهم بورق الالومنيوم ونعاودو نحطوهم فوق العافية مهيييلة لمدة 10min على الاكثر.
زاحمو التفاح مزيااااان
هاهي بعد 10min, نخليوها تبرد, فهاد الاثناء نوجدو لباط, اي نطلقوها بالمدك, سمكها يكون 2mm, نقطعو دائرة اكبر من الاطار ب 1cm, باش ندخلو العجين فالجناب…
نتقبو العجين والى الفرن
هاهي مني طابت
هير نخرجوها من الفرن نقلبوها, وها انتيجة
هذا لاول واحدة ترد
ملحوظة: تؤكل دااااااافئة, مكتدخلش للثلاجة
في امان الله
‘hv’ ]htzm fhgjthp f pate brisée>> brisee ihhhhzgm
بالفعل طارطة هائلة تبارك الله عليك حبيبتي وئــــام
جزاك الله كل خير
يجب أن تضع للبعض سمعات قبل إعطائها إلى wiames مرة أخرى.
الله يعطيك الصحة مشرفتي ,تبارك الله عليك
وفي انتظار جديدك
زعما منين موصلتش أنا الأولى مخليتيش ليا حقي صافي غضبت
وخا غضبانة أحلى تقييم لأحلى فنانة
المشاركة الأصلية كتبت بواسطة tetewaniya 
الله يزين ايامك ويبارك فيك
المشاركة الأصلية كتبت بواسطة shamassi بالفعل طارطة هائلة تبارك الله عليك حبيبتي وئــــام
جزاك الله كل خير
يجب أن تضع للبعض سمعات قبل إعطائها إلى wiames مرة أخرى.
الله يبارك فيك اختي العزيزة شماسي, مرورك نور موضوعي
المشاركة الأصلية كتبت بواسطة sawsana اسعدني مرورك ختي سوسنة
المشاركة الأصلية كتبت بواسطة bent bladi الله يعطيك الصحة مشرفتي ,تبارك الله عليك
وفي انتظار جديدك
امين, والله يبارك فيك مشرفتي, شكرا على التثبيت
المشاركة الأصلية كتبت بواسطة أم أســـــــامة زعما منين موصلتش أنا الأولى مخليتيش ليا حقي صافي غضبت
وخا غضبانة أحلى تقييم لأحلى فنانة
هههههه اللا حقك في الصون, انتي الاولى الغزالة, ديما منوراني اختي ام اسامة ربي يحفظك ويخلي ليك لوليدات, مشكوووووورة.