كيك بالتمر والكركاع

هدا واحد الكيك خديتو من كتاب الحاجة كلثوم للكيك صراحة جا غزال
المقادير

50 غ سنيدة
50غ سكر احمر CASONADE
2بيضات
200 غ دقيق
50 غ الزبدة تقريبا 2 معالق كبار تكون لينة

قبصة ملح
2 خمارات حلوة
راس م ص كوزة
80 غ الكركاع مهرمش
وعندنا 170 غ التمر مزولين يه العظم ومطحون كنخويو عليه 200 سنتليترالماء طايب ونخدموه مزيان حتى نحصلو على هد الخليط

نطربو الزبدة مع سنيدة و الكاسوناد

نزيدو البيض ونطربو مزيااااااااااااااااااان

عاد خليط التمر

نخلطو مزيان و نزيدو الكركاع

ثم الدقيق والخميرة

ثم نخلطو مزيان

في مول مدهون بالزبدة ومرشوش بالطحين نكبو فيه الخليط

ندخلوها الفران

هاهي بعدما طابت وزولتها من المول

انا زينتها بالشوكلاط دايب وخلطتو مع دانون طبيعي وكل واحد يزينها على حسب الدوق ديالو

نتمنى تعجبكم وتجربوها

;d; fhgjlv ,hg;v;hu hggi hggi du’d; hgwpm hgpfdfm hana