بسم الله الرحمن الرحيم
10/09/2019
السلام عليكم ورحمة الله وبركاته
اليوم قررت نشارك بBrownies نتمنى ينال اعجابكم
المقادير :
– 3 البيضات
– 200غ سكر سنيدة
– 100غ بودرة الكاكاو
– 125غ زبدة دايبة
– 60غ كركاع مهرمش
– 90غ دقيق ممتاز
– 2 اكياس خميرة
– 1 كيس سكر فاني
– 2 حبات موز
– قبصة ملح
الطريقة :
اول حاجة كنغربلو الدقيق مع البودرة الكاكاو ضروري باش نحيدو الكويرات منهم ونخلطوهم
ونظيفو عليهم الخميرة الكيماوية
من بعد كنطربو البيض مع السكر سنيدة مزيان حتى كيتجانسو مع بعضهم
ونضيفو عليهم السكر فاني والقبصة دالملح
من بعد نضيفو الزبدة مدوبة
ونبداو نضيفو الخليط ديال الدقيق وبودرة الكاكاو والخميرة بشوية وحنا كنخلطو
من بعد كنجيبو البنان وكنمعسوه بالشوكة (يكون بنان قابط راسو )
وكنضيفوه مع الكركاع على الخليط دالكيك
صافي وكندخلوه للفران على درجة حرارة 180 من 25 حتى 30 دقيقة
وكنخرجوه ونتسناو حتى كيبرد مزيان عاد نزولوه من القالب
ملاحظة :
بالنسبة للكركاع من الافضل اننا نحمروه شوية فالفران ونزولو القشرة ديالو باش ما يجيناش مر فالمداق
نقطة اخرى:
بما أن البراونيز كيلصق فالمول من الاحسن نستعملو papier sulferise او ندهنو القالب بالزبدة ونرشوه ببودرة الكاكاو
وبالصحة والراحة
هدي قطعة لاول وحدة غادة تدخل ^^
^^Brownies lk l’fod fhgw,v ^^ brownies
ثم التثبيت والتقييم
ننتظر جديدك
