دورة العضوات . الأطباق الرئيسية متجدد بإذن الله

الدجاج بالبطاطا والجلبانة ناخدو طنجرة نديرو فيها م ص سكين جبير،م ص خرقوم بلدي ،نصف م ص ملح ،نصف م ص إبزار،م ص سمن ،شوية ملون،معدنوس, ربع م ص مروزية ،ربع حامضة مصيرة مقطعة،4 فصوص ثوم مدقوق كنخلطو كلشي بشوية الماء ونفركو بيه الدجاجة ديالنا مزيان ونخلوها مرقدة بحسب الوقت تم نعملوها فوق العافية مع نصف كأس من الزيت وبصلة مشلضة ونقلوهم مزيان تم نروو بنصف كأس من الماء ونخلوه إيطيب على نار مهيلة وملي يطيب الدجاج نزولوه ونديروه في لاطة للفرن وندهنوه بالسمن ونديروه في الفرن يتحمر تم نرميو البطاطا والجلبانة في المرق ونخلوهم إيطيبو على عافية مهيلة و ها مريقتنا واجدة بالصحة والراحة هنا ان شاء ط§ظ„ظ„ظ‡ ستكون تطبقاتكن انيقاتي https://www.anaqamaghribia.com/vb/sho…d.php?t=299410 وهنا دردشة https://www.anaqamaghribia.com/vb/sho…d.php?t=299407 في امان ط§ظ„ظ„ظ‡

],vm hguq,hj >>>>>>>>>>> hgH’fhr hgvzdsdm lj[]] fY`k hggi Hjp]n

بسم الله الرحمن الرحيم السلام عليكم ورحمة الله وبركاتهطبق الاول هو من اطباق عيد الاضحى اللحم او ضله او فخد الخروف بالتحميرة على بركة الله تعالى غتاخدو الضلع او الفخد **انا راه مع راجلي داكشي علاش صغرتو وقللتو اي لي يكفينا حنا بزوج** غنتقبوه من جميع الجهات ونغرس فيه التوووم اولا رشو عليك ثوم غبرة ونرشوه ب ملح + ابزاروديروه ف الكوكوط اولا المارميط ونحمرو مع البصلة المشلضة + 3 معالق زبدة + ملح + ابزار + ملعقة صغيرة تحميرة وملي اتقلى يضاف الماء حتى اتغطى اللحم ويتسد حتى اطيب مع مراعاة حفظ قليل من المرقملي اطيب نزولوه وخلي المرق تقلص وندهنو بخليط الزبدة والتحمييرة جيدا من كل الجوانيييب والى بغيتو تنسموه غرسو فيه اوراق الازير والى الفرن اتحمر ويقدم مع المرق والخضر ولكم الاختيار في الخضر والتزيين حفظكم الله وجمعة مباركة ان شاء الله

اللحم بالسفرجل واللوز للمقادير نحتاج اللحم بزار ملح سكينجبير خرقوم بلدي نص كاس ديال الماء نشحر اللحم مع العطرية ونص كاس ديال الماء من بعد ميتشحر مزيان نضيف ليه نص كاس زيت بلدية ورومية بصلة مشلضة رقيق و3 فصوص تومة محكوكين وعود ديال القرفة ونخليهم يتقلاو مزيان من بعد نمرق بكاس ديال الماء ديال العنبة ونسد عليه الكوكوط ونخليه يطيب على عافية مهيلة فهاد الوقت ناخد السفرجل نقيه ونسلقو نصف سلقة من بعد ماطاب اللحم نزيد عليه السفرجل ومعلقة كبيرة ديال العسل ونعاود نسد عليه الكوكوط ومرة مرة نحركها نحس بالسفرجل كمل طيابو نطفي عليه من بعد نسخن الطاجين ونحط فيه المرقة ديالنا ونزينها باللوز

طاجين اللحم المقفول هاد الطبق معروفين بيه فمنطقتنا خصوصا أيام عيد الأضحى مع أني عمرني معرفت علاش سماوه مقفول ههههه نبداو على بركة الله المقادير: اللحم الكيم حسب الأشخاص يقضل من جهة العنق ثوم وقصبور ومعدنوس بزايد ملح 2 معالق كبار كمون معلقة تحميرة معلقة كبيرة سمن نصف كاس زيت الزيتون الطريقة: كندقو الثوم والقصبور والمعدنوس بحال شرمولة ديال الحوت نخلطها ونزيد عليها شوية ديال الزيت وباقي العناصر من غير السمن ونشرمل اللحم ونخليه على الأقل ساعتين ويستحسن يبات ليلة فالثلاجة حتى الغد عاد يطيب ناخد طنجرة نحط فيها اللحم تم الزيت ثم السمن ونخليها تشح رمزيان ونزيد نصف كاس ماء باش متحرقش لينا العطرية وملي يتشحر نمرقو الطنجرة ديالنا ونسدو عليها طيب على عافية مهيلة وملي طيب الى كانت مازال فيها المريقة بزايد نخليوها تنشف وتشحر وتوقف فزيتها ونقدموه بالصحة والراحة نخليكم مع الصور كتوضح كلشي

السلام عليكم ورحمة الله تعالى وبركاته اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد البسطيلة بالدجاج كل وحدة وطريقتها.واليوم غادي نوريكم ان شاء الله طريقتي لي نتمنى تعجبكم المقادير على حسب عدد الاشخاص وقياس البسطيلة.انا هنا درتها كبيرة 8 او 10دالناس المقادير دجاجة كبيرة كغ2.5 4البصلات كباااار مشلضين (وحدة مع الدجاج و3 للدغميرة ) ملح+ بزار+قرفة مدقوقة وعواد+زعفران شعرة+مروزية+سكين جبير+خرقوم بلدي+ضويمة دالزعفران (فنة جربوها)+الزيت الرومية والبلدية بعد المرات ايلا كنت موجدة اللوز من قبل كنطيب بالزيت دالقلي ديالو 8 دلبيضات نص كيلو لوز مفسخ ومقلي رابعة سنيدة+شوي دالقرفة نص كيلو ورقة كبيرة التزيين حسب الدوق انا كتعجبني الطريقة التقليدية يعني السكر كلاصي والقرفة واللوز مهرمش او صحيح الطريقة كنشرمل الدجاج مزيان فالعطرية والزيت ونزيد عليه بصلة كبيرة مشلضة ونديرو يتقلى(لللاشارة انا مكنديرش التومة والربيع مع الاطباق الحلوة بحال البسطيلة اللحم البرقوق اللحم بالتفاية السفرجل………) تم نضيفو قاس دالما ونخليوه يطيب نحيدوهه من الطنجرة باش نحيدولو العضم والجلدة ونقطعوه طروف مباشرة نضيفو 3البصلات كبار مشلضين فالطنجرة يطيبو ملي طيب البصلة مزيااان وتدوب نزيدو عليها شوي دالسكر كلاصي(م ك) والقرفة ونخليوها تعسل مزيااان حتى توقف نوجدو البيض(8 او 10) نطربوهم مزيااان نضيفوه للطنجرة مع التحراك مزياااان نستامرو فالتحراك حتى يطيب وينشف مباشرة نعملوه يتسقطر حنت البصلة كطلق لما وغادي تعجن لينا الورقة ناخدو اللوز مقلي ونخلطو معاه سنيدة وشوي القرفة نخلطو مزيان ونطحنوه نوجدو اللاطة ديالنا.انا كندهنها بالزيت فاش قليت اللوز والورقة حتى هي لانها عن تجربة كتجي مقرمشة كتر من بالزبدة ولديدة كنفرشو ورقة كبيرة الوسط وفوق منها لوراق فالجناب كيف الصورة منساوش ندهنو الورقة وديما الجهة اللامعة تكون على برا كنديرو تفريشة ديال الدغميرة تم الدجاج وعاد اللوز انا شي مرات كنكون مزروبة كنخلطهم كاملين فمرة (نفس النتيجة/نفس المداق) كنجمعو الوراق لي فجناب ونلقو بشوي العجينة (فورص وماء) نديرو جوج ورقات الفوق ونلمطوهم ونلقوهم مزيان نحاولو منزيروش لان العمارة غادي تفاعل مع سخونية دالفران و تنفخ شوي.وفالاخير نتقبو ب cure dent باش مطرطقش لينا الورقة ونحمروها فالفران.انا هنا حمرتها مزيان (كتعجبنا مكرملة ومقرمشة) صافي وتقدم بالصحة والراحة وتزين حسب الدوق هاهي signée ههههه نتمنى تعجبكم طريقتي واخا مصورتش المراحل كلها حنت ايدي بوحدي.عموما اي استفسار او غموض انا رهن الاشارة في امان الله اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد دخلوا https://www.youtube.com/watch?v=7KYDL…yer_detailpage https://www.youtube.com/watch?v=7KYDL…etailpage#t=1s https://www.youtube.com/watch?v=7KYDLwx6_dQ

السلام عليكم الوصفة ديال اليوم دجاج منسم مممممم المقادير فخاد دجاج مقطعين ومفلحين ملح ابزار+فلفل احمر+سكين جبير +خرقوم ثوم وقصبر يابس ازير وزعتر نصف كاس لبن معلقة موطارد ومعلقة هريسة الطريق تشرملي لفخيدات بالليل او 2 سوايع قبل تحطيهم في كسكاس يتفورو راه ميخدوش بزاف الوقت ..فاش يطيبو تكوني موجدة شابلير وبيضة تمرمديهم في البيش ثم الشابلير وتقليهم في زيت ساخنة او ممكت تحطيهم في فرن حسب الرغبة اليوم قليتهم

دجاج مقرمش نحتاج ل دجاجة 1 2 معالق كبار دانون مسوس 1 معلقة كبيرة خل نص عصير حامضة ملح بزار هريسة معلقة كبيرة كيتشاب 2 ضروس توم محكوكين معلقة ديال زيت تحميرة معلقة صغيرة ويلا بغيتي تزيدو واحد معلقة ديال موطارد نخلط كل المقادير ومن قبل نكونو غسلنا الدجاج مزيان وتسقطر ونشفناه مزاين بشي منديل باش الخلطة تتبت فيه مزيان ونخلوه يرقاد فيها ليلة كاملة من بعد ناخد الدقيق ونزيد عليه ملعقة كبيرة نشاء تحميرة بزار ملح ويلا كان عنكم فلفلة مدقوقة للي على شكل هريسة ناشفة يكون احسن انا هنا معنديش للاسف ندوز فيه قطع الدجاج ونغمسها من بعد في البيض المطرب تم في شيپس المفرتت وندخلها للكونجيلاتور نص ساعة ونقليها مباشرة في زيت تكون سخونة غير نرميو الدجاج ننقس على العافية باش يطيب من الداخل ونقدمه بالصحة والعافية

بسم الله الرحمن الرحيم السلام عليكم ورحمة الله وبركاته اليوم غنطرح ليكم غدايا ب شرائح الدجاج المقلية على بركة الله قطعو لحم الدجاج شرااائح رقيقة شوية و نرقدها ف عطرية لي بغيتو و العطرية تاع الدجاج و زيت ربيع موطارد حامض يمكن ديروها من ليل اولا ملي تفيقو ف الصباح نيت وملي اتقرب وقت الغدا اولا وقت العشا حيديهم ديريهم ف الدقيق الابيض ثم البيض ثم الشابل والى الزيت ويطيب من جهتين ويتقطر في الصفاية ونديرو ف الورق باش اتخلص من الزيت ويقدم بالصحة والعااافية قدمتو مع سلاطة الارز والبطاطا وخيزو و ايضا سلاطة الباردة تاع مطييشة تتعجبني تكون ف الغدا ويتقدم في صحون حسب الاشخاص لا تنسونا من صالح دعائكم

السلام عليكم ورحمة الله وبركاته دجاجة معمرة بالشعرية الصينية و الفرماج المقادير دجاجة زيت بلدية بصلة حامض مصير الحشو: كبدة فرماج مقطع الشعرية الصينية مرطبة في ماء طايب ومقطعة شوية زيتون اخضر مقطع ملح إبزار سكينجبير زعفران شعرة خرقوم بلدي التومة الربيع الطريقة نخلطوالملح ،الإبزار،السكينجبير، الزعفران شعرة ،الخرقوم البلدي وشوية زيت الزيتون وندهنو بيه الدجاجة مزيان من الخارج والداخل ونخليوها واحد الساعة على الاقل باش يدخل فيها القوام. تانخلطو الشعرية الصينية مقطعة ، الكبدة(قليتها فشوية زيت العود وقطعتها طروفة صغار)، الزيتون مقطع ، الفرماج مقطع، شوية لب الحامض مصير( ربع حامضة) مقطع رقيق والثوم محكوك والمعدنوس ، زعفران الحر+خرقوم+سكينجبير+ابزار +ملح و نخلطو الحشوة مزيان او نعمرو بيها الدجاجة ونخيطوها .و نوضعوها في الطنجرة مع البصلة مشلظة ،الزيت ، شوية السمن، التومة محكوكة ونزيدو القليل من التوابل, شوية لب الحامض مصير و كنقليو الدجاجة على نار هادئه ونضيف شوية الماء ونسد عليها وملي طيب ندهنها بالزبدة وندخلها للفرن تحمر وبالصحة الراحة.

الدجاج بالجلبانة والقوق معمر على بركة الله نبداو المقادير حاجتنا لدجاج الكمية حسب الرغبة بصلة كبير مشلضة جلبانة ملح ابزار خرقوم زيت الزيتون وقصبور ومعدنوس و2 ضريسات ثومة بالنسبة للقوق : قوق منقي ومصلوق فماء وملح وحامض باش ميكحالش نصف بصلة صغيرة شوية جلبانة مصلوقة شوية كفتة ديال الدجاج ولا لاداند 2 بطاطات مصلوقين ومطحونين مع مليحة وشوية ابزار بيضة + معلقة الزبدة الطريقة : الطريقة عادية كلشي تبارك الله كيعرف يطيب الدجاج ناخدو ذنجرة نوضعو فيها البصلة والزيت والدجاج وباقي العطرية ونخليوه يتشحر مزيان من بعد نزيدو الماء ونخليوه يطيب وملي يبدا يدخلو الطياب نزيدو الجلبانة ونخليوها طيب على خاطرها وندورز لتحضير القوق كناخد البطاطة ونخلطها مع بيضة وابزار ونجمعها مزيان ونخليها وناخدو مقلاة نوضعو فيه نصف بصلة وتشحر مزيان ونزيد الكفتة تم الجلبانة ونخليها طيب وملي توجد نعمر بيها القوق ونغطي بعجينة البطاطة ونوضعها فايناء الفرن ونوضع فوقها شوية ديال الزبدة وندخلها تحمر شوية غير تشد راسها لأن جميع العناصر طايبة وملي يطيب نقدموه بالصحة والراحة نخليكم مع الصور التوضيحية نتمنى يعجبكم في رعاية الله