تجربتي لكيك بدون بيض، ساهل والنتيجة جد مرضية

السلام عليكن اخواتي، هاد الصباح جربت واحد الكيك ط¨ط¯ظˆظ† بيض دواحد الاخت سميتها هاجر، الله يجازيها بلي كاتمناه، و طلع غزال، انا درتو على شكل قطع فردية، فمول سيلكون اول مرة انطيب فيه
بالنسبة للمقادير:
كاس زيت، كاس سنيدة، كاس حليب، 2 معالق خل، 2 خمارات، معلقة نسكافي، 2 معالق كاكاو، 2 كيسان الدقيق أو أكثر حسب نوعية الدقيق.
الطريقة:
كايتخلط الكل فخلاط ويدار فالقالب ويذخل الفرن
هاد المقادير والطريقة كيف ذكراتهم الاخت هاجر، بالنسبة ليا، درت غير معلقة دالخل ومادرتش نسكافيه، ودرت المقادير كلها فمولنكس ولكن الدقيق درت غير ثلث الكمية، والباقي زدتو من بعد ماكبيت الخليط فإناء وخلط الكل بمعلقة، كايكون الخليط ثقيل. ودرتو فمول ودخلتو للفرن، كان الفرن طيبت فيه پيتزا ومن بعدما طابت خرجتها وخليتو شاعل، يعني كان سخون نيت، كيذخلتها تقريبا 5 دقايق تنفخات، ريڭليت الفران على نصف ساعة ودرتها فالوسط، ولكن غير دازت تقريبا ربع ساعة بديت كانشم ريحت الحراق هه وجريت خرجتها وحيتهوم من المول، جاب الله غير شوية ليتحرق منها لوكان خليتها تكمل 30 دقيقة لوكان ولات فاخر هه
هو فالوصفة ماذكراتش مولاتها مدة الطهي، وڭلت واقيلة اطيب بحال الكيكة العادية ليكاتشد 40 دقيقة واول مرة انطيب كيك بشكل فردي وفمول السيلكون، المهم استافدت من هاد التجربة.
حيدت ليهم الفوقي ليتشوط ودوبت الشكلاط مع معلقة عسل وزبدة ودرتهوم فالمول وحطيتهوم عليه حتا ولاو بالشكل النهائي ليغاتشوفو فالصور.
اواحد القضية حسيت فيها بمذاق الخميرة (واخا غربلتها مزيان وخلطها مع الدقيق!)، ان شاء الله لمرة الماجية نديرها بخميرة وحدة عوض 2.

عندي بعض المعلومات ليلقيت من بعد ماقلبت على طريقة الطهي بمول السيليكون وطريقة التنظيف، ومن بين ليعقلت عليهم:
انه ملي يتشرى يتنظف باليد بالما وسائل غسل الاواني
فاول استعمال يتدهن وفالاستعمالات الاخرى مايحتاجش يتدهن
كيف يخرج من الفرن مايتحيد منو الكيك حتا تفوت 5 حتال 10 دقايق، ومباشرة ندوزوه تحت ماء بارد
المول دسيليكون ماخاصش تفوت حرارة الفرن 220 درجة.
وفالفران يتحط فوق الشبكة دالحديد، وهاد الشبكة ماتكونش فالفران ملي كايسخن، خاص ذخل ليه فنفس الوقت مع مول السيليكون حيت دوك البقع دالدهنيات ليكايلصقو فيها، ملي كاتعطل فالسخونة كاطير على المول وكاتخلي فيه الطبايع.
ان شاء الله هاد المعلومات يكونو فادكم كيف فادوني ويعجبكم هاد الكيك لي سهل مافيه لافرق الصفر على البياض لا طلع البياض حتى يولي كيف الثلج لا لا..^^
شكرا على المتابعة ودمتن في رعاية الله

---

j[vfjd g;d; f],k fdqK shig ,hgkjd[m [] lvqdm

جاوك روووووووووووووووعة الله يعطيك الصحة اختي وتبارك الله عليك
احلى اعجاب+ تقييييييييييييييييم

اختي تبارك الله عليك ماشاء الله جاوك فنين حتا انا كندير كيكة غير ببيضة وحدة ويمكن نستغني عليها وكاطلع غزالة ومفشفشة وشكرا على النصائح عندي سؤال انا عندي غير الفران العادي دوك الصغار مافيهش الشبكة يعني ديال الغاز واش يصلاحلي المول ديال السيليكون ولا لا

بارك الله فيك احبيبة، اسعدني مرورك. الله يحفظك، وشكرا جزيلا على الاعجاب والتقييم

الله يبارك فيك الغزالة، تبارك الله عليك انتي ايضا، بالنسبة لسؤالك، بحث عاود فالنت ولي استنتجت انه يصلاح ليك المول دسيليكون واخا ديال الغاز ومافيهش الشبكة، غير حطيه فوق مول او لاطة دالحديد، حيث إلا حطيتيه نيشات فوق الجيهة ليتحتها العافية غايتضرر ليك المول ويقدر يتحرق ليك تحت ليفيه قبل مايطيب الوسط مع المول دسيليكون كايطيب ذغية، وكايتحط من الاحسن فالوسط ماشي تحت الفران. إلا عندك شي شواية ليماعندهاش يد دالخشب يمكن ليك تستعمليها عوض الشبكة دالفران.
بالنسبة ليا الفران ديالنا نيت تاع الڭاز ولكن كبير وفيه الشبكة والعافية غير من التحت وعلى درجة 180ْ مع كيف ڭلت كان سخون كانت العافية كاتبان لي من الجاجة مهيييلة، يعني غير سخني فرانك وتكون العافية مهيلة وحطي المول على مول دالحديد عاد ذخليه للفران
قاضية الشبكة ولا ماشي شبكة غير علا ود ل المول دسيليكون باش مايتضررش ويطيب ليك الحاجة بلا مايحرقها إن شاء الله نكون فدتك احبيبة، وللمزيد من التساؤلات انا واجدة

أختي الى جات على خاطرك عطيني الوصفة ديالك ديال الكيك ببيضة وحدة و شرحي لي الأسرار باش تجي مفشفشة ههههه. الله يجازيك بخير الكيك متيصدقش لي و تنحلف من عاود نطيبو و تنحير في هاد الوصفات الكثيرة ديال الأخوات.

تبارك الله عليك أختي و على مولات الوصفة. كيك رائع و شكل أروع.

تبارك الله عليك

تبارك الله عليك جاوك فنننيييييييييييييين الله يعطيك الصحة

بارك الله فيك احبيبة، شكرا جزيلا