تجربيتي لطورطة المحشوة من الذ وارقى الطورطات

بإسم الله ابدء

هاد الوصفة ديال الأخت سندرلا عربية الرابط اسفله الأضافة كانت فقط في التزين و عندي اقتراح الآ كان شي حد باغي يجربها يالله تبعوني

https://echorouk.dzbatna.com/#335387

المقادير

كيف ما قالت الأخت نديرو الكيك الى تيسدق لينا او الوصفة ديلها – انا درت وصفة الكيك الي تنستعملو ديما الرابط اسفله

كنت درتو في فوري نوار الوصفة في الرابط اسفله

https://echorouk.dzbatna.com/#355174&p=8242965#post8242965

ما فيها باس ندكر بالمقادير الكيك

4 بيضات

كاس عنبة سنيدة

كاس عنبة زيت

كاس عنبة ماء سخون مدوب في 3 معالق صغار نيسكافي يكون بارد حين الإستعمال

3 كيسان دقيق

2 خنيشات خميرة الحلوة

2معالق كبار كاكاو المر الداكن

مقادير الحشوة

نصف لتر حليب + 2 فلان + أنا مكانش عندي ديال الشكلاط زدت معلقة كاكاو مور + السكر سانيدة 4 معالق كبار

نصف فتاث الي حيدناه من وسط الكيك " درت اكتر من النصف حيت بان لي الخلط شوية جاري

200 غ قشدة طرية كريم فريش

للتزين ممكن الإلتزام بطريقة الوصف الأصلية

انا درت 200غ كريم فريش + 200غ شكلاط اسود و استعملت باقي فتات الكيك الي شاط

نخلطو البيض مع السكر بالطراب اليدوي بعدها نضيف الزيت تم القهوة تم الدقيق مغربل مع الكاكاو و الخنيشات ديال الخمي رة

تم الى الفرن منين تطيب حتى تبرد عاد نحيد لها الجهة الفوقانية و و نخويو الوسط بواسطة معلقة

دبا نصيبو الفلن : نخلطو السكر مع فلان مع الكاكاو في حالة ما عندناش فلان ديال الشكلاط من بعد نكبوه في الخلاط على الفتات الي حيدنا من الكيك انا درت اكتر من النصف حيت بان لي شوية جاري ربما لأني خليت الجهة الفوقانية مدرتهاش احتفضت بها باش نردها و ندير فوقها كناش منين تنطحنو نزيد الكريمة و نكبو كولشي في وسط الكيك تم الى الثلاجة

للتزين انا درت كناش ممكن تلتزمو بالوصفة الأصلية

200غ كريم فريش +200غ شكلاط اسود

نسخنو الكريم تم نزيدو الشكلاط و نحركو مزيان حتى يرجع الشكلاط تيبري عاد نكبوه فوق الكيك

هنا شاط لي شوية الكناش زدت عليها الفتات الي بقا لية و درتو في جيب حلواني حطيتو يبرد و يشد راسو في التلاجة عاد بديت نزوق به الكيك

واحد الإقتراح الى تيخاف تجيه جارية ممكن الواحد يضيف الجيلاتين باش تشد رسها مزيان 2 اوراق كافين حيت انا ما جاتنيتش واقفة مزيان ربما كمية الفتات ديال الكيك حيت معنديش القياس بالضبط واش 100غ او150غ … على العموم هي غزالة و لديدة لعشاق الشكلاطة و بالصحة و الراحة

j[vfdjd g’,v’m hglpa,m lk hg` ,hvrn hg’,v’hj

المشاركة الأصلية كتبت بواسطة ماري مريومة

غير واحد النقطة اثارت انتباهي اختي و بغيت نبهك ليها انو اوراق الجيلاتين كايقولو انهم حرااام و الله اعلم بصاح كاينين نباتيين
تقبلي مروري اختي

ما تخافيش من اوراق الجلاتين كانين حلال و خصوصا في المغر ب انا منين اول مرة بغيت نستعملهم قلت للبائع باش يورني العلبة و قريت مائة بالمئة حلال مصنوع من شي عضو من البقر ماعقلتش اشنو هو المهم راه موجود في المغرب و خارج المغرب حلال

المشاركة الأصلية كتبت بواسطة HAFIDA 73

الله يعطيك الصحة جاتك غزالة

ربي يخليك