لحل النهائي لكي لا يحترق الطاجين

السلام عليكم و رحمة الله و بركاته

الحل ط§ظ„ظ†ظ‡ط§ط¦ظٹ كي لا ظٹط­طھط±ظ‚ ط§ظ„ط·ط§ط¬ظٹظ† من ام حفصة جزاها الله خيرا

ا

ا
ام حفصة
عندي 2 طواجن تحرقو لي……ضروري متلصق و تحرق…ضروري……….اوا نهار الاحد اللي فات مشينا تغدينا في واحد السوق و خدينا طجين…….و تبارك الله ممحروق موالو غزززززززززال…………
اوا مكنتش من العاجزين منين بغينا نمشيو لمرا اللي تطيب قلت ليها الله يخلليك اختي طجيني تحرق اش تديري نتية باش ميتحرقوش ليك……..وهي تقول لي ……..اول حاجة رشي الملح في القاع…….ثانيا خوي الزيت…………ثالثا حطي اللحم و ديري فوق منو البصلة مقطعة هلالات ……..اللي ديري ليقامة فوق من البصلة و خضري باش ما بغيتي و عاود زيدي ليقامة و الملح من الفوق…………اوا دبا 3 ايام و انا تندير الطجين و الله العظيم محرق لي و فرحت بزززاف ………و تجي بنيييييين……الله يجازيها بالف خير ديك السيدة و الله يجعلها ليها في ميزان حسناتها يا رب……نتمنى نكون افدتكن…………..دعيو معايا بصلاح

منقول للفائدة ولا تنسوني من صالح دعائكم

---

gpg hgkihzd g;d gh dpjvr hg’h[dk gdg

حبيبتي

قكرة رائعة دابا نجربها اختي

الله يجازي هاد السيدة كل خير

ان شاء الله حتى انا عاد غادي نجربها

السلام عليكم ورحمة الله وبركاته

الله يعطيك الصحة حبيبتي على الفكرة الغزالة ربي يخليك، حرنا مع الطاجين، رقدناه في الماء نقصنا العافية، درنا الحديدة بغينا مرقة مشربة وبنينة ما نحمل بيسين ديال المرقة
نجربها المرة الجاية إن شاء الله
ربي يحفظك

جا في وقتو حتى انا ياختي كيتحرق لي ان شاء الله نجربها الله يجازيك ويجازي السيدة اللي اعطاتك الفكرة

لله يجازيكم خيرات الدارين

حبيباتي أنا كنعمل الطاجين يطيب وسط المقلة الثقيلة فالأول نزيد الجهد للعافية وغير يبدا يغلي كنقص ليها ونخليه يطيب على خاطرو مكيلصق ما يتحرق

نهار شريت الطاجين سقسيت لي شريتو من عندو قلت ليه شنو نعمل باش ميتشقش الطاجين وميلصقش قالي أول مرة تطيبي فيه

شبعيه ليدام مزيان باش يشربو أنا جيت للدار وعملت فيه غير الزيت بوحدو وخليتو يتشرب مع راسو هههههههه باش منين نطيب منعملش ليدام

أم أمينة منين تعملي الطاجين متعمليش الما احبيبة غير الما لي تطلق البصلة كافي وإدا بغيتي تزيدي الما زيدي غير نص كاس صغير باش كتجي المريقة خاترة ولذيذة

انا غادي نزل إن شاء لله طاجين الدجاج

شكرا لكن ولكن بالمثل

عافاك الا درتي الطاجين صوري لينا المراحل كلها هانا كنتسنى شي طاجين ديال الدجاج مدغمر

أنا ما تا نديرش فيه الماء نهائيا، تا نفرش البصلة وندير اللحم والخضر والتوابل في بلاستيك ونخلط مزيان مزيان حتى يشرب كلشي ليقامة ونخوي كلشي في الطاجين ونستف وندير زويتة ديالي ونغطيه ب film alimentaire ما نخليش ليه منين يتنفس، وندير فيها جريحة صغييييييييييييرة فحال ثقب الصفارة ونغطي بالغطا ديال الطاجين، ونبسمو بمعلقة ونخليه على نار هادئة جدا ساعة إلى ساعتين على حساب دجاج أو لحم نلقاه وجد
هذي هي طريقتي في الطاجين ما تا يحرقش نهائيا
تا يتحرق لي إلى كنت مزروبة وجهدت النار
المهم خلاصة القول تبارك الله عليك حتى حد ما يغلب مشرفاتنا الرائعات الله يخليكم لينا

ان شاء لله احبيبة انا مصورة المراحل غير نلقا وقيتة نصغر الصور ونزل الموضوع ان شاء لله