شحمة الدروة

الله اجزيكم بخير كيفاش نحتافض بالشحمة دالدروة بلا تلاجة الله اعطيكم من فضل الله

---

aplm hg]v,m

ذوبيها فشي كاسرولا وديريها في قرعة وتبقى سنين
طريقة التذواب تقطعيها شرايح رقااق
وتشدي كاسرولا ولا طنجرة وظيري فيها شوية ويت المائدة حتى تسخ مزيان وحطي شوية حتى يذوب وبقاي ضيفي وحركي فاش يسخن نقصي النار وبقاي حركيه باش مايتحرق حتى تذووب ويبقى غير شي فراتت صغار طفي عليها وخليها تبرد شوية وشدي قراعي الكونفيتور ولا زجاحات خاصين عذوك اللي كايتسدو بالغلاقة اللي فيها الجلدة راه كايتباعو
وشظي صفاي وصفيها وخلي القرعة مفتوحة حتى تجمد عاد تسديها باش ماتضبب وتدير لغمولية
وحطيها في مكان بارد

السلام عليكم
اختي الهام ممكن نعرف لاش كتصلاح انا عندي ودايراها فالفريكو معرفتش فاش نخدمها مشكورة

كاتصلح للبرد ديال الصدر والى كان الصدر مفتووح بحال فاش كاتهزي شي حاجة ثقيلة ويتفتح لك الصدر وتحسي بنغسة بين ظلوعك وماتخليك تطلعي النفس ولا تهبطيه
كاتبقاي تسخنيها وتشربي منها 2 ملاعق كبار حتى 3 سخاان على الريق وقبل النوم وتحزمي الصدر دقة بطلة
للبرد كاتديري فيها شوية الزعتر محكوك وتديري حسوة الشعير ولا البلبولة وتخوي عليها مغرف وتركي وتشربيه وتلبسي مزياان تحسي بجسمك كلو تمشي فيه شي حاجة وتسخني وعلاجهة فعاال

وكايسمنو بيها النحفات يديرو معها التمر وياكلوها
واهل الصحراء يعوضو الزيت الرومية
بالذروة
وكايستعملوها للضعف الجنسي عند الجنسين ولدراري اللي عندهم لحناش كايجوعوهم ويعطوهم ملعقة ومن بعد يشربوهم الشيح طايب ومحلي بشوية سكر كل لحناش تطيح وكايدنهو بيها لالم المفاصل ولكن راه ولات غالية

الزيت الرومية غير شوية ولا نكتر والشحمة نبقا نرمي غير شوية بشوية
الله اسهل عليك مصعاب وايسر امورك فهاد لعواشر

شكرا جزيلا اختي الهام الله يفرحك بولادك ويرحم زوجك فهاد الشهر المبارك

اختي الهام الى جات على خاطرك فسرلي كيفاش كيديروها مع التمر الله ارحم زوجك وافرحك بوليداتك

بعد المغرب ان شاءالله نكتب لك الطريقة

غير شوية باش تبدى تذوب
ورقيييها بزاف ورمي شوي حتى يذوب وبقاي زيدي ونقصي النار وحركي حتى اذووب ويبقى غير فراتت صغاار

مقادير خلطة الودك
التمر
الوز
الجنجلان

تفسخي اللوز وتقليه وتطحنيه
تنقي الجنجلان تقليه وتطحنيه
تنقي التمر وتفوريه
كاتذوبي الذروة وتصفيها وتشدي التمر تنقيه وتفوريه في الكسكاس حتى يرطاب
تحطيه فشي قصرية وتضيفي اللوز والجنجلان وتخلطيهم مزياان وتخوي عليهم الذروة ذائبة وتبقاي تخلطي حتى تحسي بلي كل التمر تسقى بالبذروة وتشدي شي سوبيرة وتديريه فيها وتحطيها في الثلاجة وتاخذي منها قبل النوم ومع الفطور مع حسوة الشعير ولا الحليب السخون