للتواصل مع الانيقة ام البنات

oum hedayah

ام ط§ظ„ط¨ظ†ط§طھ
صراحة انا معجبة بوصفاتك بزاف بزاف واي حاجة حطتيها كتعجبني وكنضن حتى الانيقات
عندك شرح مميز جدا كافي ووافي ماشاء الله
لامن حيث الصور او……
ولكن كنلاحض بانك مكتجوبيش على استفسارات الانيقات كنعدرك لان بمجرد مكتحطي الوصفة ما شاء ط§ظ„ظ„ظ‡ كتلقاي 4 او 5 صفحات كتكتفي برد واحد
فكرت وقلت علاش منديروش مكان فين نحط اسئلتنا ليك ومرة مرة طلي طليلة
وشوفي من حالي وحال الانيقات بطبيعة الحال ادا كنت موافقة والانيقات موافقين والمشرفات موافقين
كنتمنى انني نكون حل مناسب لي وليك وللكل

---

ggj,hwg lu hghkdrm hl hgfkhj ll;k hggi hghoj hgohw hgvrl hgwhgpm hgafh;dm jfhv; jfhv; hggi ugd; fodv jr,gd d[h.d; ]rdrm w]rm .k[ghk ugn tdi ih] ,lk ,hggi ,rj;

ما لقيت منقول
لكن كنطلب السماحة منكل اخت مقدرتش نجاوبها فالحين
وتاكدي اني كل ام راجعت شي وصفة و لقيت سؤال كنحاول نعمل جهدي
وانا تحت امرك فاي سؤال الحبيبة
وسامحوني مرة ثانية

للاشارة فقط كنحاول نعاون على قد جهدي
مثلاحاليا كنت كنقلب لاخت سولاتني على الفقاص اوالبسكوي بزوج لوان
انا عندي غير الي كنضيفله اللوز فالوسط و كنت كنقلب على دفتر حلوياتي باش نفيدها
لاني مكنضيف غير الي مجرباه الحبيبة و ضامناه
واخت ايضا طلبات حلويات مع حلوة الفرماج و الزبدة
وهي ايضا كنت كنحاول نكتبلها الطريقة
والله ما ناسيا حد غير الا انشغلت مع اوليداتي و صافي
والسماحة منكم البنات

ههه مشيت نجاوب الاخت الي بغات حلوة زوج لوان لقيتك انتي الي طرحت السؤال
سممحلي نجاوبك هنا

غتحتاجي
نصف كيلو دقيق
خميرة الحلوة
خميرة فاني
رشيشة الملح
بيضة و تكون كبيرة
رابعة الزبدة
ساشي شكلاط غبرة
زلافة صغيرة لوز مفسخ و منقي و مقلي
معلقة الزهر اوزوج باش نجمعو العجين
150غ سكر غبرة

كناخدو الدقيق و الزبدة و نرملو الخليط مزيان نضيفه السكر
نضيفه الملح الخميرة و الزا والبيضة معلقة الزهر و نخلطو مزيان
ناخدو الثلث من هاد الخليط و نحتفظه بيه جانبا

الثلثين الي بقاو نضيف ليهم الساشي دالشكلاط و اللوز ونخلط مزيان و نعمل منهم 3الرولي تقريبا بحجم الموز

نطلقوا الثلث الي بق و نغلف كل رولي لوحده و لكن ندهنوهم الاول ببياض البيض باش يلصق مزيان

خليها فالفريكو ساعة او اكثر حتى تجمد مزان
وقطعيها دوائر بحجم 1سنتمتر و خليها تطيب غتاخد تقريا من 10 ل 15د
خليها تبرد و بصحتك و راحتك

واي سؤال اؤمري الحبيبة

لهلا يخطيك ام البنات حتى انا معجبة بالوصفات ديالك وواحد ختي حادكة بزاف ديما كتجب وصفاتك وكيصدقو ليها مخيرين وفين ما شكرتليها شي شهيوة وكتقولي الفضل يعود لأم البنات

ههههه عجباتني وراك وراك
انا تحت امرك الحبيبة

شوفي اختي بالنسبة لي انا ضد فكرة حلوة وحدة و مداق واحد وباشكال متعددة
ها لحمر ها لخضر ها الصفر
فالا عندك مناسبة و العدد قليل شخصيا كنعمل جهد 5شكيلات الحلوة
كل وحدة بنوع
وحدة لوز وحدة كاوكاو وحدة كوكو وحدة شكلاط او تمر و السابلي بكمية قليلة
جهد 500غ لكل صنف
كنشكل و كنوع و الحمد لله ربي مكيخيبنيش
غير كنحاول نغير التشكيل على اخر مرة قدمت نفس النوع لنفس الاشخاص ان شاء الله تكوني فهمتيني

اولا غنعطيك مقادير الحلوة الفروماج
و نعطيك طرق مختلفة لتشكيلها و اختاري الانسب ليك

المقادير
نصف كيلو دقيق خاص بالحلويات ممكن اقل او اكثر حسب جودته
4حبات لافاش كيري
2حبات كيري
رشيشة الملح

هادا الاساس

اولا كنخلطوا الزبدة و الفرماج بنوعية مع رشيشة الملح حتى تتجانس
وضيفي الدقيق حتى تجمع ليك العجين
باش تعرفيه ما خاصوش او ما ناقصوش لاننا معندناش السائل هنا غنعطيك سر لهاد النوع دالعجين و كينفع لعجينة الصابي حتى هي
انك مرة مرة تعملي صبيعاتك فوسط العجين فحال الي كنعملو للكيكة مع خلة الاسنان هنا صبيعاتك هم الحكم هههه
الا طلعوليك فيهم العجين تبداي تضيفي معلقة بمعلقة
الا طلعت ناشفة فالعجين مخصوش الدقيق

الطريقة الاولى
انك تشكلي رولي و تبسطيه بيديك قليل و تقطعي معينات و ترسليه للفرنن
وخليه بيض مخاصش هاد الحلوة تحمر بزاف
ملين تطيب و تبرد شوية مرمديها فسكر غبرة و زييها بخيوط من الشكلاط دايب

التشكيل الثاني
عملي كويرات و وضعيهوم فلاطة مدهونة
وظغطي عليهوم بالفرشيطة
وملي يطيبوا لصقي بيناتهم بالشكلاط دايب و مرمديهم فالسكر غبرة

التشكيل الثالث
انك تقسمي العجين على 3و تلوني كل جزء بلون و عمليها على شكل اهرامات
وهدي صور قديمة لهاد التشكيل

التشكيل الاخير هو نهار الي كنبغي نتهلى فيها
كنكون موجدة لوز مفسخ ومقلي و يكون حجم صغير او نقسم كل لوزة على زوج
كنعمل كريات صغيرة كنعمرها بلوزة و نعملها تطيب و دائما احتفظي بيها بيضا متحمريهاش
غير تخرج من الفران نغطسها فعسل دافي و نمرمدها فلوز مفسخ مقلي و مهرمش و نعملها فكويغطات مدلان
ممممممممممم كتدوب بالفم

وبصحتك و راحتك

اختاري التشكيل الي يناسبك
وقوليلي ان نوع الحلوى بغيتي و نفيدك

انا دائما مع السهل الراقي و اللذيذ و ان شاء الله نقدر نفيدك
و لهلا يحشمني معاك

الله يحفظك الحبيبة و تبارك الله عليك و على اختك
اكيد بلمساتكم كتطلع احلى و احلى
الف شكر و لهلا يحشمني معاكم
بارك الله فيك الحبيبة

تبارك الله عليك اختي ام البنات والله الى ماكتخلي ليا مانقول انا كيف ما قالت الاخت معجبة بيك وبكل ما كتقدمي لينا لانه رائع وكيبين على الدوق الراقي ديالك شكرا ليك بزاف على الافادة وخا جات معطلة

العفو الحبيبة
كنتمنى نكون عند حسن ظنكم دائما
ونفيدك بالجديد لانني اكيد استفدت وما زال منكم الكثير
وليس بوصفة فقط ممكن بفكرة او تجربة او فائدة او حتى طريقة تقديم
فبارك الله فمجهود الجميع والف شكر للجميع

شكرا لك
اكفيت واستوفيت
وسمحيلي راه غير من اعجابي بوصفاتك اللي خلاني ندير موضوع مستقل
ممكن ادا امكن تقوليلي شنو كتعملي من الحلويات الساهلة والبسيطة
لان كما قلت لك مجرد حفل صغير لابنتي ميكون معانا حتى واح