الحامض المصير

البنات معرفتش واش هادا هو المكان فين نحط هاد التساؤل ولكن راه عصصصصصباتني ومررررررضاتني واحد القرعة ديال ط§ظ„ط­ط§ظ…ط¶ مصدقاتش ليا هاد العام وكون كان غير قليل والله حتى نرميه ولكن 3 كيلو ديال ط§ظ„ط­ط§ظ…ط¶ البلدي لي كنت شريت ملي كان وقتوا واقيلا شهر مارس و ضربتهالو بفركة ومسحتو وفلحتو على 4 وعمرتو بالملح ودكييييتو فالقرعة حتى طلق العصير ديالو ودرت من الفوق شوية الزيت وسديت عليه وخبيتو فالبلاكار هادشي لي كندير ليه كل مرة كيجي معلك وغزززال مكيفوت شهر حتى كيوجد.ولكن هاد المرة باقي هو هو تعجبت معرفتش مالو مصدق من شهر 3 دابة شهر 8 مفهمت والو وانا مبلية بيه بزززاف ايلا مكان منطيب وليت نشري ديال الزنقة والو حالتو مكيبردليش الغدايد
اللللللله يرحم الوالدين لي كتعرف شي حل تعتقني بيه راني حرت

---

hgphlq hglwdv hglsdv

بصراحة ماعمرني صبرت الحامض ومانقدر نفيدك

شوفي اختي حتى انا العام لي داز ماصدقش لي وحتى انا كندير نفس طريقتك وهد العام غيرت له المكان وخليته غير فوق البوطاجي وكل مرة كنحرك القرعة والحمد لله صدق
شوفي انت واش غيرت المكان لي كنت كل مرة تحطيه فيه يقدر تكون البرودة او .. هي السبب

اختي الا راكي حاطاه فشي حاجة مضلمة او مخبعاه فبلاصة مضلمة كياخد الوقت
يمكن خاصك تحطيه يتعرض للضوء جربيه على الله
لانه الطريقة اللي خللتيه بيها هي اللي كاندير كايدق غزاال

شكرا على تفاعلكم معايا انا حاطاه فبلاصة مضلمة ومكايناش البرودة نهائيا وزعم الطريقة لي درت ليه هي لي كندير كل مرة.غنحولو لبلاصة مضوية ونشوف ايلا مصدق قالت لي الوالدة شديه وطحنيه بحال العصير وديريه فالتلاجة وبقاي ملي تغسلي الدجاج خودي منو شوية وخلطيه مع سكينجبير ومرمدي الدجاج فيه وجمديه هاكاك وملي نبغي نطيبو منزيد ﻻ ملح ﻻ حامض ﻻ سكينجبير.
اما المصير حتى العام الجاي انشاء الله

أختي انا كنديرو في الثلاجة 2 درجات كيصدق مع البرودة داغيا كيتصير ومكانضيفش الزيت، اما في الظلام كيخد الوقت وربما كيجي أحسن من الثلاجة ولكن حنا ولفنا الزربة والماكلة السريعة التحضير،زيدي صبري عليه إلا متصيرش رديه للثلاجة ربما يصدق

السلام عليكم أختي كان عليك قبل متصيريه ترقديه فماء طايب ليلة كاملة عاد تصيريه ودبا جربي ديريه فتلاجة

اختي بقاي مرة مرة تقلبي القرعة باش دغيا يوجد حتا انا ضروري تنصوب ديال الدار