السلام عليكم يا انيقات انا صراحة تعلمت منكن الكثير الله يجازيكم بخير. طلب ديالي بسيط ملي كنت صغيرة كنا كنمشيو عند جداتي الله يرحمها و يرحم المومنين اجمعين كانت كدير واحد رغايف كبببببار في ط§ظ„ظپط±ظ† حيت كنا تبارك الله كثار و كانو مزوقين باللوز و الكونفتير من الفوق ما كرهتش تعطيوني الوصفة الله يجازيكم بخير و شكرا
hglv[, hglshu]m lslk td hgtvk

26/03/2019
bent bladi
اخواتي الحبيبات هاد المسمن يمكن كاين الكثيرات من الانيقات اللي عارفينو و لكن بغيت كي العادة نوريهليكوم لاني كنت كنصيبو بالخميرة المعجونة،لكن فواحد المناسبة كليتو بلا خميرة عجبني بزاف و قررت كالعادة نجربو البلية و ما دير.طبعا العجين عادي غي:الفرص،شوية ملح،ماء دافئ.منين دلكتو مزيان حتى بدا يتشكى مسكين زدت شوية زيت باش تخفاف العجينة. و الطريقة تشوفوها ان شاء الله مع الصور كنعيى منكاد فيهوم ما كايجيوش هوما هادوك اوا غي قبلو عليا يا الغزالات هادشي اللي عطا الله هههههههههه
خرجو شي 10 د الحبات
نبدا نسرح بالزيت مخلط مع الزبدة و ندردر السميد،حاولو ما امكن تجي رقيقة
نجمعو المسمنة بالطريقة المعروفة
نسرحو الاخري ونديرو وسطها الاولى
نفس الطريقة لباقي المسمنات اللي صاوبناها نعاودو ندخلوها في الاخرى.انا درت 5 حبات في الواحة،يعني خرجولي 2 مسمنات كبار.
وحدة خليتها ترتاح و تطلق راسها،و الاخرى درتها في فريكو لوقت الطوارئ
هاهي سرحتها في الطويجينة التقيلة من الاحسن و دهنتها بالزبدة و نخلوها الفرن سخون
ها كي خرجات من الفرن قبل منزينها
هاهي مللي زينتها بالعسل و كاوكاو مهرمش
هاد الطرف لاول انيقة تدخل بالصحة
كتجي من برا مقرمشة و الداخل مورقة
Read more: https://www.anaqamaghribia.com/vb/sho…#ixzz2uyzY55CT



