سؤال بخصوص تحضير الطاجين قبل البدء في استعماله

السلام عليكن حبيباتي
الله يجازيكم بخير, قولولي طريقة مزيانة نعملها للطاجين قبل أول استعمال باش ميتشققش.
مولفة كندهنو بالزيت ونديه للفران ديال الزنقة لكن كيتشقق ليا.
نتمنى تفيدوني بطريقة نديرها فالبيت وشكرا.

---

schg fow,w jpqdv hg’h[dk rfg hgf]x td hsjulhgi

أختي الطريقة اللي تاندير أنا و ماعمر شي طاجين تشقق ليا هيا أنكي تفزكيه فالماء ليلة كاملة.يعني تشدي داك الطاجين و ترقديه فالماء ليلة كاملة.من بعد عاد ممكن تدهنيه و تديه للفران و تأكدي أنه ماعمرو غادي يتشقق ليك.أنا ماتانديهش الفران غير تانرقدو و من بعد تاندهنو صافي.نتمنى نكون فدتك.و نتمنى تدعي معايا بالذرية الصالحة الله يجازيك بيخير

اختي وئام كمديرو في الماء يبات في الغد ليه نخليه ينشف ندهنو بالزيت ندخلو فران سخون مطفي

الله يرزقك الذرية الصالحة في القريب.
شكرا بزاف احبيبة بارك الله فيك على الافادة.

اذن راكي متافقة مع أماريس على نفس الطريقة, شكرا ليك بزاف احبيبة ربي يخليك, يلاه جبرتيني رديك فموضوعك ديال الطاجين ههه سبحان الله.

اختي انا كنحك بصلة فيه وشوية زيت وندهن به ملي نطفي الفران ديريه فيه مدة اسبوع هاهو صالح الطريقة ديال الوالدة الله يخليها لية يارب

شكرا بزاف احبيبة, واش مكترقديهش في الماء بحال اللي قالو الأخوات, حينت تينا مكنتش نرقدو؟

لا ما كرقدوش كنغسل ونحك عليه البصلة وشوية زيت ملي نسلي طياب الخبز كنخشي طاجين

شكرا احبيبة ربي يخليك.
وبالنسبة للدهين كتدهنيه كولو ولا غير لداخل.
ولغطاية مكتخشيهاش فالفران؟ سمحيلي على كثرة الأسئلة.

لا احبيبة إحنا هنا باش تفيد بعضنا ندهن غير لداخل فقط الغطاية بلاش اختي المهم هو الطاجين نتمنى يصدق ليك انا هاد الطريقة لي كندير ليه وراتها ليا ماما الحبيبة الله يخليها لية يارب