السوريمي

يا سيدات المطبخ …واش ممكن وصفات لإستعمال ط§ظ„ط³ظˆط±ظٹظ…ظٹ من غير انني نزين بيه أطباق السلطات

---

hgs,vdld

يمكن تعملي بيه سلطة من خس مغسول ومقطع + بيض مسلوق مقطع طريفات + اناناس مقطع طريفات + سوريمي طريفات وكتجمعي كلشي بالمايونيز

بريوات معمرين السوريمي
نشحرو البصلة فالزيت ونزيدو الجزر ملح يطيب نزيدو السوريمي يمكن نعوضوه بالقمرون نزولوه ونزيدو الفرماج تم نعمرو بيه البريوات او المسمن

*بريوات بالسوريمي:

1قرعة محكوكة

1بورو مقطع

1بصلة مشنفة

زبدة

شوي ثوم غبرة

1 م ص صلصة الصوجا

6 اصابع من السوريمي

حوت ابيض

علبة صغيرة من الصوجا

ملح،ابزار

سكين جبير

في مقلاة كنشحرو البصلة في الزبدة ونضيفولها البورو+ ثوم غبرة ونخليوهم يتقلاو مزيان

من بعد نزيدو الصوجا والقرعة محكوكة وصلصة الصوجا

كنشحروهم شوي+الحوت مقطع مع العطرية

ومنين يطيب الكل نضيفو السوريمي مقطع ونطفيو على العافية

منين تبرد الحشوة ديالنا كنعمرو الورقة ونطيبوهم في الفرن ونكونو دهناهم بشوي زيت طبعا

شوفي هاد الوصفة كروكيت البطاطس بالسوريمي
https://www.anaqamaghribia.com/vb/sho…65#post5112565

و يمكن كدلك تعمليه بهاد الطريقة:
شلظي بصلة مزيان ديريها في مقلة مع زيت الزيتون تشحر زيدي عليها 12 إصبع سوريمي مقطع و 2 طماطم مقطعين و 2 معالق كريم فريش و 60 غرام فرماج محكوك وخلي الكل طهى مدة 10 دقايق ومرة مرة حركيهم

لا تنسيني من صالح دعائك

حكي سوريمي وضيف عليه مايونيز وخص مقطع رقيق وجزر محكوك خلطي كلشي واستعمليه فالسندويشات

chokran likom bezafe 3ala hade lewasafate
omarahche nensakome fi da3awati

السلام وعليكم ، انا بغيت نسولكوم . شكون هو هاد السوريمي واش خضر اولا شنو الله اجازيكم بخير و فين كيتباع

howa wa9ila hote o kaykone fi super marche fi belaste lehote lemojamade

لا هو بحال الكاشير ولا مرتاديلا متكون من جلد الحوت كاين بالكراب و القمرون و السومون