المرجو من مشرفاتي الغاليات دمج المقادير و الطريقة في رد واحد و هذه هي التتمة
رابط الوصفة
https://www.anaqamaghribia.com/vb/sho…d.php?t=348036
هانا رجعت نكمل أخواتي
تقبل الله صيامكم و صحة فطوركم
نبداو على بركة الله المقادير و الطريقة
المقادير
2 زلايف دقيق قمح
زلافة فورص
معلقة كبيرة خميرة معجونة
معلقة كبيرة سنيدة
2 معالق كبار زيت رومية
ماء دافي لجمع العجين أنا درت تقريبا 2 أكواب
الحشوة
بصلة مقطعة شنانف و مشحرة فالزيت مع الملح و الابزار
فلفلة مقطعة و مشحرة فالزيت مع الملح و الابزار
صوص مطيشةمكونة من:ثومة محكوكة،مطيشة الحك،ملح و ابزار،زيت،ربيع و نديروها فوق البوطة شي 5 دقايق و نطلقوها بشوية ديال الماء)
طون أو كفتة مشحرة أو اللي موجود عندك و ايلا ما كانش بلاش و كايجيو مزيانين
الطريقة
نوجدو الحشوات على تيساع و نخليوهم يبردو
كانعجنو العجينة عادي و ندلكوها مزيان و كيف نعرفو جميع عجينة البطبوط كا تكون جارية شوية باش كايجي خفيف و نخليوها حتى تخمر
هنايا العجينة من بعد ما خمرت
كانقسمو العجينة على 2 و نطلقو النصف الاول من بعد ما نرشو مكان العمل بالطحين باش ما تلصقش العجينة
كاناخدو كاس او قطاعة بالحجم اللي بغينا و كانعلمو بيه العجينة بلا ما نقطعو باش نعرفو فين نحطو الحشوة
من بعد كانديرو الحشوة بحال كانصاوبو البيتزا على التوالي:كاندهنو صوص طوماط، و نزيدو بصلة مشحرة،فلفلة مشحرة و فالاخير الطون من الفوق
من بعد مانكملو كانسرحو النص التاني من العجينة ونغطيو بيه العجينة الاولى
نقطعو بالكاس البطبوطات ديالنا
و نبداو نخبزوهم نيشان فمقلة تقيلة اللي نكونو سخناها من قبل
و بالصحة و الراحة أخواتي
سمحوليا ايلا جاكم داكشي مخربق و ماشي متول حيت راه درتها تجربة و اختراع لأول مرة و فنفس الوقت تطبيق ههههههههه فيها تصدق او ما تصدقش و لكن الحمد لله ماحشمنيش و جات زوينة و شهوة منها غييير جربوها و ردو عليا الخبر
في انتظار ردودكن، تشجيعاتكن و انتقاداتكن اقبلن ودي واحترامي
‘gf lshu]m lk lavthj rsl hg,wthj hgvlqhkdm