الشغل الشاغل للكل ربة بيت هههه ألجنجلان<<< دخلو فيدوني

لبنات بغيتكم تعطوني الطريقة باااااش كاتنقيو ألجنجلان أو ما يسمى بالسمسم هههههه اسم على مسمى
واش ضروري يتغسل ؟؟؟ ولا غسلتوو واش خصني نيبسو غير فالفران ولا الشمس مع العلم أن الشمس فهاد لبلاد مازالا حشمانا تخرج .
و شكرا مسبقا

---

hgayg hgahyg gg;g vfm fdj iiii Hg[k[ghk<<< ]og, td],kd Hg[k[ghk&lt&lt&lt gH;g fpj

ههههههههههههههههه ما منو هروب هاد الزنجلان الله يستر تابعنا تابعنا هههههههه
شوفي اختي الى كنتي فبلاد الغربة راه كيكون نقي وفن حسن من ديال المغرب واخا
كيكون بلدي ولكن نفضل يكون رومي ونقي ههههههههههههههههه راني معڭازة
ههههههههههه عواشرك مباركة احبيبة باش ماتمنيتي يارب

السلام عليكم و رحمة الله
اختي و الله ماكذبتي ايلا الشغل الشاغل انا كنت نفكر ليه و لكن الحمدلله لريتو نقيييييي بحال ايلا منقي
ايلا بانت ليك فيه الغبرة غسليه و شمشيه و ايلا ماقدرتيش بلا ماتغسليه انا ماشي ديما كنغسلو و تقدري تنفضيه ايلا كنتي تعرفي راه كيسهل المأمورية
و عواشر مبروكة

اااه بالصح ألجنجلان ديال برا نقي استعملته العام اللي داز مافيهش ga3 الخدمة
ولكن هاد العام جبته معايا مالمغرب بغيت الخدمة فراسي هههههه اناااااا اللي زاغبيا هههههه

علينا وعليك أختي

و سعداتك ملي لقيتيه نقي تهنتي من لعقوبة
أنا اللهم نصيب كيلو ديال الشبكية ولا التنقية ديالو هههههه كيلو زاعما كثرت

هههههههه واشنو خصوصا ايلا كنتي مبتدئة بحالي ايلا صايبتي كيلو راه يجيك درتي شي حاجة ماكيناش ههههه
انا هادا اول عام ليا فداري يعني اول رمضان نوجد ليه راسي راني نوجد و تالفة نقول هنا الراجل يضحك عليا هنا يتشفا فيها هههههه ساعة الحمدلله لحد الساعة كلشي غادي على مايرام
حتا انا ماعايشاش فالمغرب و شريتو من هنا داكشي علاش لقيتو نقي ديال المغرب جبتو معايا فاش بغيت نجي و لكن حتا نقاتو لي ماما الله يخليها ليا هههههههه

الزنجلان البنات ما كاين ما اسهل منه فالتنقية
نوريكوم طريقتي
اول حاجة كنغربلو فغربال عويناته متوسطين راه كاع الغبرة و دوك الحبيبات الكحلين كيطيحوا
كتكبيه فبانيو كبير و تكبي عليه الما و تبداي تحركي
زنجلان الخاوي مع القش الرقيق غيبق الفوق زولوه بيديكوم مغنحتاجوهش
و الزنجلان الصاين المزيان كينزل لتحت
خليو الروبيني مفتوح على البانيو و انتم كتقلبوه غير بشوية لبانيو ثاني
هكدا الزنجلان غينزل و لحجر غيبق اسفل البانيو الاول
عاودولو غسلة ثانية بنفس الطريقة الا طلعت شي حاجة الفوق زولوها راه غير لخفيف و الخاوي
ولتحت غسلوه بالماء و نزلوه فبانيو اخر غير بالشوية والماء يكون مفتوح لكن قليل باش تعاونو الزنجلان ينزل و الحجر يبق
عملوه فغربال يستقطر و فرشوه فوق منديل نقي و نشفوه فالشميشة مزيان قبل متحمروه و ما فيها باس الا دوزتوا فيه يديكوم باش ترتاحوا و تاكدوا انه مغيبق فيه والو
ممكن غير يقطر تعملوه على منديل الا معندكوم شميشة غير ينشف حمروه مباشرة لا مشكلة لكن العافية دائما قليلة
وحركوه مرة مرة و باش تاكدوا انه اتحمر هزو شوية بين زوج صبعان و بركوا عليه غتلاحظو ان صباععكم تيدمت و ريحته عطااات

جزاكي الله ألف خير أختي على الشرح الواضح نبقى نقيه بهاد الطريقة جاتني ساهلة

الله اخليها ليك مسكينة ،،،عليها دابا راني تالفة الوالدة مسكينة كانت جاع الحاجة الصعبة كادرها هي و دابا أرى مانشمرو على دراعنا

lbnat 3afakom likayna f italia tkoliy mnin khdat znjlan 3andi dyal lmaghrib walakin i9dar may9dnich