وش يمكنلي نقطع لخضرة بحال لبطاطا خيزو نقيهم او نخبعهم فالمجمد وش كيبقاو مزيانين الى بغيت نصاوب شلايض ولا يخسرو ممكن تقوليلي شناهما الانواع دالخضرة الي ممكن نجمد وشكرا
hgoqvm l[l]m gpldm
اللوبيا الخضرا و الجلبانة غير كنعملوهم لثواني فماء كيغلي و كنبردوهم بسرعة فماء باارد ومثلج نخليوهوم يقطروا مزيان و نجمدوهم
الفلفلة و الدنجال كنشويهوم و نقيهوم و نعملهوم يجمدو
البطاطا كنقطعها فريت و نعملها لدقيقة فقط فماء غليان و فيه الخل و نقطرها وننجمدها مفرة عاد نجمعها
كنجبدها مباشرة للقلي كتطلع احلى من فريت المطاعم
الفول كنفوروا و نجمدوا
البقولة كنفورها و نجمدها
الخزو كنسلقوا و نجمدول لكن كينفعني غير للعصير الصراحة
الحمص اليابس كنسلقوا و نجمدوا
الربيع بانواعه معدنوس قزبر و كرافس كنغسلهوم و نشفهوم و نكردهم و نجمدهم
مطيشة كنطيبها مع مطيشة الحك و شوية الملح كنطحنها و نعاود ندها حتى تشرب ماها و كترجع بحال مركزة و نحتفظ بيها
انا كنطحنها فطحان الخضرة بالحديدة الغليضة و كنخليها لزعلوك و الطويجنات كيبغيوو مطيشة تبان
او نطحنها بالحديدة الرقيقة للشوربة و الحريرة و صوص بيتزا كيبغيوها تكون رطبة
هادا ما كان
هادا مفكرت و ان شاء الله البنات يفيدوك