السلام عليكم البنات شكون تقدر تعطيني شي وصفات بالبطاطا الصغيورة حيت لقيتها رخيصة وشريت منها بزاف
hgf’h’s hgwydvm
سلقيها في الماء والملح او الماء وحد ضامة ديال البنة وهي تتسلق وجدي مقلات ديري فيها شوية زبدة وزيد + قزبور ومعدنوس وثومة مدقوقين + كمون + تحميرة + خرقوم + شوية هريسة وملح + ضامة ديال الربيع
ومملي تسلق البطاطا صفيها وزيديها في المقلاة وردي كلشي على نار مهييييييييلة وتبقاي تحركي حتى تتنسم اك مزيااااان وتشرب العطرية وقدميها راه تتجي بنينة
او رديها طيب مع اللحم بطريقة عادية كيما تديري للبطاطا الكبيرة بلا ماتقسميها خليها هكاك راه تتجي بنينة حتى هي
وهدا رابط فيه طريقة اخرى :
https://www.anaqamaghribia.com/vb/sho…d.php?t=226648
هدشي لي تنعرف احبيبة ان شاء الله لي تتعرف شي حاجة اخرى تفيدك
المشاركة الأصلية كتبت بواسطة توامين 
لهلا يخطيك بالصحة والراحة
كنسلقها بقشرتها و نشرملها بوية معدنوس و ملح و كمون و ثوم مدقوق و نسوتيها لدقائق و نقدمها
او ممكن نسلقها و نعملها سلاطة مع بيض مسلوق محكوك
او نسلقها و نعملها فالطحين و البيض و الشابلور و نقليها كتجي زوينة
ممكن تعملي بيها طاجن بطاطا عادي انك تشحري بصصيلة و تحكي معاه مطيشة و تزيدي العطرية كلها ملح ابزار سكين جبير و تحميرة و تضيفي البطاطا كتكوني غير حكيتيها من الغبرة و خليها صاينة متنقيهاش راه ميبق فيها والو
ونرشو القزبر و نخليها ربع ساعة و هاهي واجدة كتطلع بنينة
والبنات مقصروش الافكار كثييرة الحبيبة و ممكن تبتكري بيها اطباق زوينة