شكون كاتصاوب الشباكية بوحدها تعاوني الله اجازيكم خير الدارين

سلام عليكم البنات واجلي كاليا توحشت شباكيا و انا فالغربة موالفا كايسيفطوها لينا من المغرب و بغيت ها د المرة نديرها و مازعمتش و عندي بنية صغيرة عندها عام ط§ظ„ظ„ظ‡ ط§ط¬ط§ط²ظٹظƒظ… كل الخير ككل مرة جيت عندكوم باش تعاونوني و كانتمنا تفيدوني حتا فمقادير ديالها يعني تكون عجينة مكتخرجش بزاف ط§ظ„ظ„ظ‡ ارزق الجنة لكل وحدة جاوباتني

---

a;,k ;hjwh,f hgafh;dm f,p]ih juh,kd hggi h[h.d;l odv hg]hvdk

حتى وحدة مبغات تجاوبني

شوفي اختي الى بغيتي ديري الشباكية اتغلبي عليها ديري غير كمية قليلة ومن الاحسن ملي اكون الزوج ديالك بارك اعونك غير في لبنية الله يحفظها ليك

امين اختي الله اجازيك كل الخير بغيت نسولك واش تديريها بحدك ولا لاو شكرا

حبيبتي لتقوم الأنيقات بمساعدتك

يجب أن يكون الموضوع في القسم الصحيح حتى يراه الجميع

ينقل لقسمه المناسب

إن شاء لله تتم المساعدة

شكرا لك اختي المشرفة اسعدني مروركي في انتضار نصاءح الانيقات

رفع

أختي أنا غنعطيك المقادير ديل شباكية ألي كنصاوبوديمة فرمضان أنتي ديري قياسك
4kg الفورص
2 كيساًن زيت
2 كيسان خل
1 كاس ماء الزهر
750g مارغرين مدوبة
ملح
شوية خميرة الخبز(ملعقة صغيرة )
250g كاوكاو محمر مطحون مزيان
زلافة كبيرة زنجلان محمر مطحون
ملعقة كبيرة نافع محمر مطحون
ملعقة كبيرة حبة حلاوة محمرة مطحونة
2 ملاعق كبار قرفة
شوية زعفران مدوب فشوية دلماء
كانخلطو كلشي مزيان انزيدو الطحين أنبداو نجمعوها بلماء دافي شوية شوية متكتريش الماء
حتى تجمع تكون قاسحا شوية أنقسمها كويرات كلواحدة ندلكها مزيان أندخلها لميكا
قدما دلكتيها كتشرب لما أترطاب
أهم حاجة متكونش لعجينة قاصحة بزاف باش ما تفرتت فطياب
صافي كاديري طريقة ديال شباكية إلاعندك لماكينة كطلقيها شوية أدوزيها فنمرة واحد أو طويها أعاود دوزيها فيها
عاد لمرة لاخيرة أنا كندوزها فنمرة 4 كتجني هي هديك
كتشبكيها أتقليها أطفيها فلعسل أرشح بزنجلان محمر
أنا هادي هي الشباكية المعتمدة عندي منشحال هادي
حتى أنا رمضان ليفات قاديتها بوحدي أعندي 2 وليدات صغار
درت 1kg طحين أقسمت المقادير على 4
ملي وجدت لعجينة قسمتها على جوج
صوبت نص حتى ساليتو بطياب ديالو
حتى كملت مع الدراري عاد رجعت لنص لاخر
خرجاتلي سطل متوسط
أفايتلي درت غير نص كيلو طحين عطاتني طبسيل كبير أدغيا كتوجد
راني طولت عليك
كنتمنى نكون فدتك

أختي أنا غنعطيك المقادير ديل شباكية ألي كنصاوبوديمة فرمضان أنتي ديري قياسك
4kg الفورص
2 كيساًن زيت
2 كيسان خل
1 كاس ماء الزهر
750g مارغرين مدوبة
ملح
شوية خميرة الخبز(ملعقة صغيرة )
250g كاوكاو محمر مطحون مزيان
زلافة كبيرة زنجلان محمر مطحون
ملعقة كبيرة نافع محمر مطحون
ملعقة كبيرة حبة حلاوة محمرة مطحونة
2 ملاعق كبار قرفة
شوية زعفران مدوب فشوية دلماء
كانخلطو كلشي مزيان انزيدو الطحين أنبداو نجمعوها بلماء دافي شوية شوية متكتريش الماء
حتى تجمع تكون قاسحا شوية أنقسمها كويرات كلواحدة ندلكها مزيان أندخلها لميكا
قدما دلكتيها كتشرب لما أترطاب
أهم حاجة متكونش لعجينة قاصحة بزاف باش ما تفرتت فطياب
صافي كاديري طريقة ديال شباكية إلاعندك لماكينة كطلقيها شوية أدوزيها فنمرة واحد أو طويها أعاود دوزيها فيها
عاد لمرة لاخيرة أنا كندوزها فنمرة 4 كتجني هي هديك
كتشبكيها أتقليها أطفيها فلعسل أرشح بزنجلان محمر
أنا هادي هي الشباكية المعتمدة عندي منشحال هادي
حتى أنا رمضان ليفات قاديتها بوحدي أعندي 2 وليدات صغار
درت 1kg طحين أقسمت المقادير على 4
ملي وجدت لعجينة قسمتها على جوج
صوبت نص حتى ساليتو بطياب ديالو
حتى كملت مع الدراري عاد رجعت لنص لاخر
خرجاتلي سطل متوسط
أفايتلي درت غير نص كيلو طحين عطاتني طبسيل كبير أدغيا كتوجد
راني طولت عليك
كنتمنى نكون فدتك

أختي نسيت نقول ليك لعبار بالكاس ديال العنبة يعني كاس كبير
نتي جربي غير نص كيلو مغاديش تشدليك ليد احتى لقوام غاتحتاجي غير شوية
إو جربيها او ردي عليا