خبز الشوارما والهمبورغر

الطريقة

نعجنو جميع المكونات بالماء دافي ونخليو العجين إخمر من بعد ندلكوه ونقسموه كويرات نقرصوهم نخليوهم إخمرو ندهنوهم بالبيض وخلط مع قطيرات الخل ونرشوهم بالزنجلان والسانوج وندخلوهم الفران

مقادير الشورما

صدر دجاج مقطع
ملح إبزار سكينجبير قزبر حبوب مطحون
راس صغير تومة
شوية عصير الحامض وزيت بلدية
2 معالق كبار يوغورت طبيعي ممكن تعوضوهم بالموطارد
خس خيار بصلة مطيشة مقطعين
صلصلة اليوغورت

الطريقة

كنرقد الدجاج مع العطرية واليوغورت من الأسن إبقا مدة طويلة
من بعد كنشحر الدجاج مع الزبدة
ونبدا نعمر في الخبيزات وندير صوص اليوغورت

مقادير صوص اليوغورت

يوغورت طبيعي
عصير حامض
زيت بلدية
تومة
ملح إبزار
تنسموه أما بوريقات نعناع ولا ربيع حبق زعتر
كديرو جميع المكونات وطحنوهم

10/06/ 2024

الهبوركر
اهلا غالياتي اتمنى ان تكونو جميعا بالف خير
حبيت نقدم ليكم هاد الخبز لانو تيجي روعة بمعنى الكلمة ويستحق التجربة

المقادير

1/2 كلج طحين فورص ممتاز
1/2 م ص ملح
م ك سكر
م ك ممسوحة خميرة
2 م ك دانون مسوس
1/2 م ص محسن خبز -* تيباع عند العطارا لكبار ليتيبعو لوازم الحلويات 60درهم للكيلو* –
50ج زبدة
الحليب لجمع العجين

الطريقة

نعملو الزبدة و1/4 دالحليب فوق النار حتى دوب الزبدة ونخليوه حتى يدفئ
ونصبو الطحين وباقي المواد الاخرى في اناء

المحسن هو لي في الملعقة الصغيرة

ثم نزيدو السوائل ونخدمو مزيان ولكانت ناشفة نزيدو الحليب المهم تكون مرخوفة قليلا

وندلو مزيان 10د ونخليوها ترتاح 20د

ونشكلوها كويرات متساويين

ونخليوهم يخمرو ساعة تقريبا او حسب الجو عينك ميزانك
ونرشوهم بالماء او الحليب بواسطة بخاخ ونرشو عليهم الزنجلان

وندخلوهم للفرن ساخن يطبو على نار فوق المتوسط اي قوية شيئا ما لمدة مابين 10 الى 15د على الاكثر

هاهما منين طابو

مباشرة منين تخرجيهم خليهم في اللاطة ديالهم وغطيهم ببلاستيكة ثم بمنديل من الفوق وخليهم حتى يبردو باش يجيو هشاش

هاهما منين بردو تضغطي عليهم بحال البونجو وتيرجعو وتيجيو خفاف

والشكل من الداخل

من بعد تنعمروهم بالتالي

تنقسمو الخبيزة على 2 وفي الطبقة العلوية تنعملو
م ص موطارد وندهنوها

ثم م ص كتشاب

ثم م ص مايونيز هادالميونيز انا ليعملاه تيجي غزال من بعد ونزلو انشاء الله

ثم نعملو الخص مقطع رقيق جد

ثم دوائر الخيار او الكورنيشو

وفي الطبقة السفلى نعملو قطعة الهبوركر مشوية ومنين طيب نعملو فوقها قطعة جبن ونخليوها حتة تنزل قليل ونزولوها

ثم دائرة طماطم

ثم بصل مشوي اختياري

ونقلبو عليها الغطاء ونقدمو بالهنا والشفا