برقوق الطاجين عآآآآآآجل

سلام عليكم سبق ليا وطرحت موضوع كنطلب فيه مساعدة على كيفية تيبس البرقوق الأسود وأنيقات ما شا الله عليهم ، فدوني ، عملناه داك ألسنة وجاء غزال غي هو أنا درتو فالمجمد مشي على برا ، حسن من ديال زنقة وحاجة طبيعية ديال دار ماكين لا دواء لا ولو ، اللهم لك الحمد ، هاد ألسنة ما شا الله الشجرة عطات بزاف إو جمعوا بابا الله يطول في عمرو ويحفض ليا ماما و خوتاتي و صحابتي و نتومة الله يحفضكم و كل عزيز ، قل أمين ههههههه ، إو جمعو من شجرة وقليا سيبه كيف داك المرة ، وقلت ولابد نصور المراحل لأخواتي وصديقاتي و حبيباتي في الله ، لفعلاً ساعدوني ديمة وعلموني بزاف وكيفرحو بية وكنفرح بهم ، أحبكم في الله جميعاً ، وأسأل الله العظيم رب العرش العظيم يعطيكم ويعطينا خير ما في هاد الدنيا ويحفظنا من شرها ، ويحفض لنا أسرنا وعائلتنا وأهالينا ويفرج على كل مسلم في العالم يا رب ويهدينا الصراط المستقيم يا رب

المهم ، أول حاجة كنغسلو مزيان ، البرقوق ديالنا ، كنستفوه في لاطات ديال الفران ، كنشعلو عليه بشويييييييية ، أقل ما هي حاجة فالفرن ممكنة ، إو كنخلوه على خاطروا ، المهم أنا خدة ليا ، تقريباً واحد 6 ساعات حتى خوات عليه البوطة هههههه ، من بعد صافي راه كنقسمو في بلستكات ونعملو فالفريجو ، ووقت ما بغيتو ناخد دكشي لي بغيت ونستعملو ، بصحة وراحة