طلب من الأنيقات بخصوص الحليب الطري جداً واستعمالاته .

---

‘gf lk hgHkdrhj fow,w hgpgdf hg’vd []hW ,hsjulhghji >

مني نشره وش خصني نغليه ونصفه ؟

اختي صفييه مزيات للمرات عديدة
وغليه 3 مرات
وخصوصا ادا غادي اشربوووه اطفال ضغار

الغزالة وفاء كيفك وكيفهي ماماك نتمنا تكوني في احسن حا لواخا غبرتي علينا راكي في البال
اما بخصوص حليب البقر راه خالتك كانت في الاول عايشة في كاشينا لانه عمك ابو الشباب كان كايحلب البقر
ونسيب رجاء راه كابر بيه يعن يما عندك مناش تخافي غيرهو سبحان الله اول مرة غادي تشربيه ادا خفتي يضرك
زيدي شوية الما وغليه عادي وشربيه
وادا بغيتي ديؤيه لبن عمليه في قرعة الما خاوية هاديك تاع 2 ليتر عملي فيها الحليب اكثرمن النصف
وخليها في الكوزين يومين هاكا برا الثلاجة راها غاديتبان ليك لتحت ولا ما والفوق خاتر
هداك راه رايب بلدي عادي وادا بغتيه يولي لبن ما عليك غير نخضيه مزيان باش يوليو عندك العضلات
وانتي كاتنخضي مرة مرة زيدي الما بارد باش تفرز عندك الزبيدة بلدية ملي تنخضي مزيان والزبدة تطلع الفوق راهجاهز
حطي القرعة فيا لثلاجة حتا تبرد ملي تبغيها قطعي القرعة بالموس باش يسهال عليك تاخدي الزبيدة فهمتيني ياك
وكدلك ادا بغيتي تعملي رايب بحال ديال المحلبات ليفي المغرب تاخدي واحد é ليتر حليب وتغليهمزيان ملييبردشوية
يعني يبقا سخون تزيدي السكر لي بغيتيوشي 4 ضانونات هادوك لي في ليدل بحال جيرفي ديال الدراري صغار
وتحركيه مزيان بالطراب اليدوي وتعمليه في كيسان وغطيه بالسلوفان وحطيح في ا لفران يبات فيه وهاهو واجد
عمليه في الثلاجة راه كايبقا مزيان وادابغيتي تحتافظي بالحليب لمدة طويلة ماعليك غير تقسيه في قراعي وتعمليه في الفريزر
راه كايبقا مدة طويلة ملي تبغيه خرجيه على تساع حتا يدوب وغليه عادي
بالنسبة للزبدة غسليها بالما باردباش يحيد منها اللبن وراه تقدري ديريبيها حتا السمن
وراه كاين هادوك البيدوات لي كاينخضو بيهم الحليب عند المجازر اسلامية
حنا هنا كايبيعهم انتوما ماعرفتش واش عندكم راهم بالضو وكايخرجو اللبن مزيان
نتمنا نكون افدتك وادا بغيتي شي حاجة راكي عارفة فين تلقايني
بلغي السلام للغالية ماماك

اختي الى بغيتي القشدةالطرية ملي تجيبي الحليب دريه فشي قرعة يكون فمها واسع او خليه فالثلاجة حتى لغد ماتحركيهش جبي معلقةاو حيدي الوجه راه غايباليك كريمي او جمعية حتى تولي عندك كمية كثيرة راها كاتصلاح للطبخ و للحلويات و الى جمعتي كمية كثيرة ممكن ترديها زبدة بلديةانا كنطربها غير فمولينيكس كندير القشدةفالكاستاع العصير كيدور شوية اونبدا نزيد الماء حتى تولي الزبدة باينة

فوفو لا سوبتي شي زبيدة بلدية خلي ليا حقي hhhhhhhhhhhhhhhhhh

hhhhhhhhhhhhhhhhhhhhhhhhhhhhhhhhhhhhhhhhh

شكراً مشرفتنا لعزيزة أم حلوين
الله يجازيك بخير
ويجعل مجهوداتك ف ميزان حسناتك .

شكراً لك أختي هادي معلومة جديدة
كنت ديمة كنسول كيفاش كيسيبو هاد قشدة طرية
مشكورة أختي على معلومة .

شوفي اختي راه كيتباع عند الاتراك واهد تقطيرة سميتها käse tropfen كتشد لحليب كدريه فشي طنجرة القدر لي بغيتي كدزيدي عليه معلقة من هدك تقطيرة
وشوية سكر سننيدة وشوية عصير الحامض تخليه بغلا ششوية على نار مهيلة حتى غدي يبلك الماء انفصل على الحليب وهداك هو الجبن كيتاكل مع اتاي.
متنسايش تصفيه من هداك الماء حتى يبرد اكوليه بالصحة والراحة.