السلام عليكم اخواتي
عندي باكية شكلاطة غبرة واخرى شكلاطة معجونة استعملت شوية منها في تحضير الايس كريم والباقي منعرفش اشنو نعمل بيها
الا عندكم شي افكار عتقوني بيهم الله يبارك فيكم
ak, julgd fhga;gh’m hgph];m jugld
لحبيبة ممكن تستعملي الباقي فالكيك ديال الشوكولا تتجي هائلة ولذيذة والمقادير ديالها كما يلي كاس ديال زيت كاس ديال سنيدة 4 معالق كبار شكلاط غبرة 4 معالق كبار مسحوق الحليب نهيدو وكاس ديال الماء و ڤانيلا وحدة تتخلطي هاد العناصر كلهم في الميكسور تيولو بحال شكل ديال الكريمة خاترة وتتحيدي من هاد الخليط كاس وتتخليه على جنب تتضيفي للخليط اللي باقي فالمكسور 4 بيضات وتخلطي الكل تم تصبي هاد الخليط فالزلافة وتزيدي الدقيق و2 خمارات حمرين و الدقيق عينك ميزانك متقصحيهاش ومتخليهاش جارية ملي يسالي ديريها فالمول ودخليها لفران مسخن على حرارة معتدلة الا عندك فرن كهربائي ديري على 180 درجة ودخليها طيب متحليش عليها حتتى دوز 35 حتال 45 دقيقة على حساب الفران دخلي سكين ناشف وخرجيه الا خرج ناشف فراها طابت خليها تبرد شوية وكبي عليها داك الكاس ديال الخليط اللي خليتي فالاول ويلا كان عندك شي جيرڤي زيديه على هاد الخليط عاد دهني اولا دانيت ديال الشكلاط و بالصحة والراحة كوليها وتفكريني بشي دعيوات ديال الخير راه غير تسوبيها تولي مدمنة عليها انا بعد المرات تنشري 1درهم ديال الكاوكاو تنهزمشوا وندردروا عليها من الفوق او البيستاش اللي كان المهم هي المشاركة واللي تيذوقها عندي تتعجبوا ياسلام
واللي جربتها تدعي معايا بالذرية الصالحة الله اجازيكم بخير
واللي جربتها تدعي معايا بالذرية الصالحة الله اجازيكم بخير
Zwina