طريقة عمل الحلبة المصرية+الكشرى المصرى

---

‘vdrm ulg hgpgfm (hgltjzm) hglwvdm+hg;avn hglwvn hglwvd hglwvdm hgltjzm hg;avd ugl

المهم هو ملوش مقادير ثابتة دة حسب الرغبة فى حد بيحب مكرونة زيادة حد الارز وهكذا وكمان حسب عدد الاسرة
**المقادير:
1- مكرونة رفيعة مسلوقة عادى جداً فى ماء بة ملح وقليل من الزيت .
2- ارز مصرى بالشعرية بنحمر الشعرية فى السمنة ونضيف الارز والملح وماء قد مقدار الارز
3- عدس بجبة(بنى ) مسلوق
4- حمص شامى مسلوق وريت ننقعة حوالى ساعة فى ماء قبل السلق.
**السر فى 3 حاجات**
5- اولا الصلصة لازم تكون بالتوم يعنى نشوح التوم فى الزيت ونحط علية عصير الطماطم ومنسبهاش تتسبك قوى تكون خفيفة ونحط عليها كمون وفلفل اسود خفيف وشوية خل مش كتير ونظبط الملح.
6- البصل نقطعة جوانح ونرش علية ملح خفيف ونحطة مرة واحدة فى طاسة تحمير تكون غويطة وفيها زيت غزير ونحط البصل والزيت بارد ونحط الطاسة على نار هادية ونغطيها فى الاول شوية حوالى عشر دقائق وبعدين نكشف الغطة ونقلبة باستمرار ولما يتحمر يكون لونة بنى نطلعة على ورق نشاف بياخد وقت اطول شوية بس بيطلع مقرمش هايل وزى ما بسموة فى المحل ورد (من كتر ما البصل بيبقى شكلة حلو يعنى ).
7- اهم حاجة بقى الشطة والدقة
*اولا الدقة بندق 10 فصوص توم معه فلفل اخضر حامى مش كتير + معلقة صغيرة كمون +و زيها كسبرة ناعمة +فلفل اسود خفيف وفى طاسة صغيرة نحط الخليط وعلية فنجان خل وعصير ليمونة كبيرة وملح ونرفعهم على النار حاجة بسيطة يدوب يسخنوة والجناب بتاعت الطاسة تبقلق وتبقى خلصت
اما الشطة نجيب معلقة صلصة من الى احنا عمانها ونحط عليها معلقة شطة كبيرة وربع كوب ماء ونرفعها على النار تغلى غلوة واحدة
** ودية مقادير تقريبية علشان برضة محدش يتلخبط (12 كيلو مكرونة -12كيلو رز +14 كيلو شعرية – 14 عدس بجبة – 18 حمص شامى – 12 كيلو طماطم علية 4 فصوص توم كبيرة – 4بصلات كبيرة)
**ارجو انى اكون افدتكم ومتبخلوش علية بالردود

شكرا ليك عزيزتي انا احب الطبخ المصري كتيرا

تبارك الله عليك اختي

تسلم ايدك على الوصفه

شكراااااا لك اختي تسلم الايادي

تسلم ايدك
باين غادي يجي لديد
و لو اني متزوجة مصري من 6 سنين الا اني عمرني مادقت الكشري

تبارك الله عليك