الرضاعة

الرضاعة .بغيت نسولكم لجات على خاطركم أخصوصاً لفايت لها والدة واش من يالله تتفكي تطلبي من ممرضة ترضعي ببي مباشرةً .لكنتي غدية ترضعه رضاعة طبيعية بش ميعتوهش رضاعة صناعية باش الرضيع ميتعودش على ط§ظ„ط±ط¶ط§ط¹ط© .أنا معرفش سيستام ديالهم نتمنى لرضع طبيعي يفيدني الله يجزيكم على خير

---

hgvqhum

سلام اختي الله يفكك على خير
شوفي انا في الولدات ديالي بجوج غير كيزاد البيبي كيف كيخرج كيعطيوه لك وهما باقي مغمض عويناتو هههه وكتقولك عطيه البزولة باش يولفها وعااااد كيقطعو الحبل السري وياخدوه يغسلو ليه ويديوك حتى نتي يدوشو لك وتلبسي حويجك وملي كيديوك الصالة كتبقى كل مرة تجي تسولك واش عطيتيه يرضع باش يمدوه لك واخة ميبكيش راه كيعطيوه لك ترضعيه المهم لبغيت نقولك هو راه هما كيأكدو باش ترضعيه طبيعي وحتى الى مكانش عندك الحليب كيجيبو ليه رضاعة مرة مرة

انا في ولادتي بزوج تيحتافظوً بالبيبي لأنهم تيقولوً خاسكً ترتاحي منين تحسي براسكً بخير تطلبي منهومً يجيبوه ليك واعطيه البزولة ماشي غادي يتعود على الرضاعة من مرة الاولى وتنولد الحمد لله طبيعي

يمكن احبيبة كيختالف المستشفى من واحد على أخر
المستشفى لولدت فيه فاش ياله كيتزاد البيبي كينعسوه حداك قبل ميقطعو ليه الحبل السري حيت خاصو يولف ريحتك وزيد عليها كيكون داير صبعو في فمو كتقلك خليه يتعلم يشد راس البزولة وكتبقى الممرضة شاداه لك وحطاك فوقك من بعد فاش كتغسلي ويغسل البيبي حتى هو راه كيخليوك ترتاحي الحمد لله حتى انا ولدت طبيعي ودعي معانا الله يفكنا دابة على خير راه هاد سيمانة نولد هههه

السلام عليكم أولا الله يفكك على خير نتي وكل حامل،غير تهناي من هاد الناحية حيت هما غيقولو لك امتى يمكنلو ارضع او غيعاونك أيشرحولك كيفاش ترضعي متخافيش من هاد الناحية راه تيحرصو بزاف تكون الرضاعة الطبيعية،غير كما شفتي فالردود مايمكنش تحكمي على الوقت من تجربة ديل شي وحدة أخرى حيت كل وحدة أضروف الولادة ديالها أضروفها الصحية،متلا أنا مرضعت ولدي حتى ليومين بعد الولادة او الحمد لله رضعتو طبيعي عام او 4 شهور،كوني هانية استمتعي بهاد المرحلة.

شكراً اخواتي على رد ديلكم أتفسير بغيت نعرف أناخد فكرة ألي فيها الخير ربي يسهل فيها أتنتمنى من الله رضع طبيعي الله يفكنا على خير إن شاء الله