بغيت نعقد وخطيبي ما وافقاتش ليه الداخلية ما عطاطوش موافقة تصريح الزواج بالمملكة السعودية….قالي ممكن نتزوجو بمصر ولكن واش ممكن نتزوج غير بالوكالة بلا مانسافر لمصر
واش خاصني ندير وأيضا آش خاصو يدير تا هو
واش هو لازم عليه يسافر لمصر….
الله يجازيكم بخير لما ساعدوني ولكم الجنة
hgHo,hj Htd],kd hggi ddsv gd;l lhwuhf!!! lhwuhf
واش عارفة ايلا كتبتي في مصر او سوريا راكي تكتبي عادي
ولكن راكي ممنوع دخلي السعودية لانه السعودية ممعترفاش بيك مراتو لانها رفضت تعطيه التصريح بالزواج
يعني مستحيل دخلي لسعودية ايلا بغى يجيبك بعقد عمل خدامة او مربية اسفة علا هاد الكلمة ولكن هذا هو الواقع اختي
كوني حذرة
الله يوفقك
اختي الكريمة صحيح كلام الاخت ميمي
الا تزوجتي فمصر زواجك غادي يكون معترف بيه فالمغرب ولكن فالسعودية لا
وفي حالة ولدتي معاه اولادك مكتوبين بسميته هنايا اما تماك لا وما عمرهم يحصلو على الجنسية السعودية او يحصلو على حقوقهم من اباهم
ومن بعد عمر طويل راهم تيتحرمو من الميراث فالقانون السعودي بما انهم ما مسجلينش اولاده
وخاصك تجري وتجاري وتقلبي على الجمعيات و المؤسسات لي تيهتمو بهاد الحالات باش تقدري توصلي لحقوقك
اختي صبري معاه وقول له خليك حتى وكان يعطوك تصريح ونتزوجو
اما الزواج في مصر او سورية راه اسهل ما يكون ولكن تخافي تزربي وتندمي
عافاك اختي الا ما تمهلي شوية وصبري حتى يفرج الله
حطي قلبك بعيد شوية وفكري بعقلك
غادي تزوجوا فسوريا ولا المغرب ياك وغادي تفرحوا وتعيشوا احلى ايام والحب والغرام وزيد وزيد
ولكن قدر سيدي ربي وما بغاش يعطيوه التصريح من السعودية وقدر ايضا انكي تحملي منو اش غاديا تديري ديك الساعه
تجلسي فدار باك وراجلك بعيد عليك او تبقاي فبلاد اخرى ونفس الحال ماشي مع راجلك والوليد اللي غادي يتزاد اشنو دنبو انه ممنوع يتقيد بالاسم ديال باباه
وها حنا فيها غادي تندمي وتولي ديك الشهور الاولى د السعادة حزن وهم لحقاش دابا ولا فرقبتك وليد المستقبل ديالو ضايع
ختي هذا سيناريو كيتكرر بزاف
فكري بعقلك بزاف واللي بغاها الله هي اللي غادي تكون
الله يوفقك
كنشكر كل من ميمي02 ..أرجوانة.. و زمردة.. على المشاركة وعلى المعلومات القيمة.
راه الوقت داز بالزربة تى وصلت44 سنة وقلت زعما نعقد باش ندرك وليدات إلى كتبهم ليا الله ……والله يدير لي فيه الخير
الله يكمل لك ويوفقك
ماتفكريش في السن اللي وصلتي ليه راه ربي حكيم و مازال مخبي ليك الخير و كل حاجة بأجلها
فكري فشنو اديا تجني من هاد الزواج اللي فيه مشاكل و نساي مسألة الاولاد لانها امر كيعلمو الله تعالى ماشي بيد العبد ..فكري في الحاضر اما المستقبل فهو في علم الغيب
الله يدير لك تاويل ديال الخير