العيالات الي والدات قيصري يدخلو

الله يخليكم بغيت نسولكم وشكانت عندكم الكرش من ورا العملية وواش كنتو تتحسو بكرشكم مزال كضركم فالاسفل مع العلم انا يلا ولدت شي 45 يوم هادي وكرشي منفوخة وباقا كحلة بالكلف مزال ممشا لي دكشي والصراحة معرفت مندير ليها هكاك منفوخة

وبغيت نسولكم وش من بعد 40يوم مباشرة استأنفتو حياتكم الزوجية ولا تسنيتو مزاال حتا برات الكرش
وحاجة اخرى اشنو ستعملتو لمنع الحمل وفحالة الرضاعة الطبيعية
سمحولي اخواتاتي ويني معندي منسول

---

hgudhghj hgd ,hg]hj rdwvd d]og, hld

اهلا اختي الغالية وعل سلامتك الكرش مورا العملية ضروري حيت شويا بشويا ترجع مع الرياضة ولكن خاصك مدة عاد تلغبي رياضة
الالم اسفل البطن عادي مع العملية ومنين يجي لبرد عاوتاني ضرك
وسيلة منع الحمل تقدري تشربي كينة مكتاترش عل لحليب
بالنسبة للحياة الزوجية مادام تقطعات الدم وساليتي الاربعين استانفيها غير شوية بشوية متخافي والو ربي يشافيك اختي

عاددي أختي غير ديال الولادة غادي يتحيد مع المدة على سلامتك

حتى انا بحالك بقى لي مازال الكلف في كرشي وباقه شويه منفوخه ان شاء الله مع المده تحيد خاصنا من اللنصحو نديرو الرياضه

على سلامتك اختي و مبروك عليك الزيادة انا بقات عندي الكرش و ديك الكحولية لا بد منها و لكم فكل حمام ديري الحناء و الداد كلشي غيتحيد و الالم تاهو كيحيد غي بشوية بشوية الحياة الزوجية استانفتها عادية و كنت كنشري كينة ديال منع الحمل خاصة بالرضاعة سميتها ميكروديول سولي فالصيدلية على فنيد الرضاعة يعطيوه ليك و خيرا الله يعفو عليك و يعطيك صحيحتك باش تربي وليدك او بنيتك

بالنسبة للكلف راه المنتدى ديال البشرة عامر وصلات طبيعية مجربة كنوصيك بوصفات الغاليه منى خالة بيان وراه اي حاجة بالاعتناء ترجع كيف كانت

الله يجازيكم بالخير اخواتي الغاليات
والله يسلمكم ويبارك فيكم
شكراً ليكم بزااف طلعتوليا شوية المورال

Hta ana bhalkamadame lhmdolilah hta ana kont bghit nsawalkom 3la lkarch olkalf olhmdlilah jawbtoni otal3atoli chwiya lmoral ofarhtoni ba9i talfa ftari9a ftari9a isti3mal lfanid

حتى أنا ولدت قيصري هادي 3 شهور، بالنسبة للكلف كيمشي شوية بشوية، الألم ديال الكرش حتى هوة كيمشي شوية بشوية، بالنسبة للإستمرار العلاقة منين تسالي منك ( …….) استئنفي العمل ههههه، أما بالنسبة لكينة كاناخد ديال الرضاعة.

حتى انا 3 شهور ملي ولدت بغيت عفاكم شي سمية ديال شي كنينة الي متغلدش
.. الله اصابرنا على لعداب الي رانا فيه دابا . رجلية ولاواحرقوني من كترت ماكانود فليل